हेल्थ रिसर्चर लाइफटाइम अचिभमेन्ट अवार्ड डा. बस्नेतलाई, अन्य १३ जना पुरस्कृत

हेल्थ टुडे,
काठमाडौं, ३० चैत : हेल्थ रिसर्चर लाइफटाइम अचिभमेन्ट अवार्ड डा. बुद्व बस्नेतलाई प्रदान गरिएको छ । डा. बस्नेत ख्याति प्राप्त स्वास्थ्य अनुसन्धानकर्ता र संक्रमणरोग विज्ञ हुन । नेपाल स्वास्थ्य अनुसन्धान परिषदले आफ्नो स्थापना दिवसको अवसर पारेर आयोजना गरेको तिन दिने ११ औं स्वास्थ्य तथा जनसंख्या वैज्ञानिकहरुको शिखर सम्मेलनको समापनका अवसरमा राजधानीमा शनिबार डा. बस्नेतलाई उक्त अवार्ड प्रदान गरिएको हो । स्वास्थ्य तथा जनसंख्या मन्त्री प्रदीप पौडेल र परिषद्का कार्यकारी सदस्य सचिव डा. प्रमोद जोशीले डा. बस्नेतलाई अवार्ड प्रदान गरेका हुन । कार्यक्रममा विभिन्न विधामा अन्य १३ जनालाई पनि अनुसन्धानको क्षेत्रमा गरेको योगदानको आधारमा अवार्ड प्रदान गरिएको थियो ।
यसरी अवार्ड प्राप्त गर्नेहरुमा मृगेन्द्र सम्झना मेडिकल ट्रष्ट ओरेसन अवार्ड डा. आनन्दबल्लव जोशीलाई प्रदान गरिएको छ । हेल्थ रिसर्च अवार्ड डा. पवन शर्मालाई, योङ हेल्थ रिसर्च अवार्ड डा. संगम शाहलाई, मृगेन्द्र सम्झना यङ हेल्थ रिसर्च अवार्ड मेडिकल डाक्टर तर्फ डा. राकेश घिमिरेलाई र मृगेन्द्र

सम्झना यङ हेल्थ रिसर्च अवार्ड ( एचएचआरसी स्टाप तर्फ ) सुदीप पौडेललाई प्रदान गरिएको छ । त्यसैगरि हेल्थ जर्नालिष्ट अवार्ड पवित्रा सुनारलाई, गोपाल प्रसाद आचार्य हेल्थ रिसर्च अवार्ड डा. सज्जाद अहमद खान, एनएचआरसी वेष्ट सेक्सन अवार्ड डा. मेघनाथ धिमाललाई, एनएचआरसी वेष्ट परर्फमर अवार्ड सरस्वती प्रसाद भट्टराई र दिर्घसेवा पदक पुकला घिसिङलाई प्रदान गरिएको छ । तिन दिने सम्मेलन समापनका अवसरमा बोल्दै स्वास्थ्य तथा जनसंख्या मन्त्री पौडेलले स्वास्थ्य अनुसन्धानको क्षेत्रमा बजेट बढाउने आश्वासन दिए । स्वास्थ्य सचिव हरिप्रसाद मैनालीले स्वास्थ्यसँगै जनसंख्याको अनुसन्धानलाई पनि प्राथमिकतामा राख्न सल्लाह दिए । परिषद्का कार्यकारी सदस्य सचिव डा.जोशीले सम्मेलन निकै फलदायी भएको बताए ।