डा. शरद वन्त,
केही देशहरुमा नियन्त्रण भए तापनि बिश्वब्यापी रुपमा फैलिएको कोभिड १९ ( कोरोना भाइरस ) को महाब्याधी रोकिएको भने छैन । विश्वभरि अहिलेसम्म करिब नौ लाख मानिसहरुको ज्यान लिइसकेको कोभिड १९ आज सबैकोलागि चिन्ताको बिषय बनेको छ । हाम्रो देशमा कोभिड १९ बाट झण्डै पचास हजारको हाराहारीमा सँक्रमित भएर तीन सय भन्दा बढी नेपालीको यसबाट ज्यान गुमाई सकेका छन् र हामीले यथेष्ठ सतर्कता अपनाउन नसके आउँदा दिनहरुमा यो रोगले अझै क्षति गर्ने प्रष्टं छ ।
यति बेला कोभिड १९ को प्रकोपलाई रोक्न र यसले जनजीवनमा पारेको बहुपक्षिय नकरात्मक प्रभावलाई ब्यवस्थापन गर्ने सरकारको प्रयासलाई सहयोग गर्दै तथा सरकारको काममा भएको कमी कमजोरीप्रति आलोचक भएर सरकारलाई आबश्यक सुझाव दिँदै आम नागरिकले यो रोगबाट सुरक्षित रहन सँक्रमण रोक्ने उपायहरुलाई गम्भीरता साथ अवलम्बन गर्ने महत्वपूर्ण क्षण हो । तर यो सम्बेदनशील समयमा एउटा समूह भने आम नागरिकलाई अन्योलमा राख्ने दुष्प्रयास गरीरहेका छ । उनिहरु कोभिड् १९ कुनै वास्तविक समस्या नै होइन, यो जनतालाई आतँकित बनाउन बिश्व स्वास्थ्य सँगठन र मेडिकल माफियाले चलाएको हल्ला मात्रै हो भनेर जनतालाइ दिग्भ्रमित बनाउदै छन् । यो समूहको यस्तो प्रयासले हामीलाई कोभिड १९ को भयानक जोखिममा पुर्याउन सक्छ ।
त्यसैले हामीले आफ्नो पहूचमा भएका माध्यमहरु तथा सम्पर्कहरुको प्रयोग गरी यस्तो गैर जिम्मेवार र अमानवीय प्रयासको तर्कपूर्ण बिरोध गर्दै आम जनसमुदायलाई यस्तो दुष्प्रचारको भ्रममा नपरी भयभित नभएर आफू पनि कोभिड १९ को संक्रमणबाट बच्न र अरुलाई पनि बचाउन सबै उपायहरु अवलम्बन गर्न आह्वान गर्न सबैमा हार्दिक अनुरोध गर्दछु ।
( वरिष्ठ जनस्वास्थ विज्ञ डा. वन्त, पिपल्स हेल्थ मुभमेन्ट नेपालका संयोजक हुन । )
