हेल्थ टुडे,
काठमाडौं, १० जेठ : कोरोना संक्रमण नियन्त्रण गर्नका लागि बनाइएको कोभिड –१९ युनिफाइड केन्द्रीय अस्पताल (वीर अस्पताल ) को प्रमुखमा स्वास्थ्य तथा जनसंख्या मन्त्रालयका प्रवक्ता एवं वरिष्ठ स्त्री तथा प्रसूतिरोग विज्ञ प्रा. डा. जागेश्वर गौतम नियुक्त भएका छन् । डा. गौतमलाई सरकारले सोमबार नियुक्त गरिएको हो ।
वीर अस्पतालको नयाँ भवनलाई कोभिड –१९ युनिफाइड केन्द्रीय अस्पताल बनाउने सरकारले बैसाख २६ गते नै निर्णय गरेको थियो । कोभिड –१९ युनिफाइड केन्द्रीय अस्पतालले देशभरि कोरोना संक्रमितको उपचार भइरहेका १५७ अस्पतालहरुको नेतृत्व गर्ने गरि काम गर्ने छ । अस्पतालमा ५०० शैयाको कोरोना उपचार सेवा पनि सञ्चालन हुने छ । कोभिड –१९ युनिफाइड केन्द्रीय अस्पतालका नव नियुक्त प्रमुख डा.गौतमले आफुले भोली (मंगलबार) देखि नै काम सुरु गर्ने बताए ।
कोभिड –१९ युनिफाइड केन्द्रीय अस्पतालले कोराना संक्रमणको उपचारको सम्पूर्ण नेतृत्व लिने गरि काम सुरु गर्दा ३ कुरामा आफूले प्राथमिकता दिएर अगाडि अगाडि बढ्ने डा. गौतमले बताए । ‘ त्यसपछि अक्सिजन सहितको शैया र उपकरण जडान गरेर उपचार सुरु गर्ने योजना छ । ’ डा.गौतमले भने, त्यसपछि जनशक्ति व्यवस्थापनमा पनि बिशेष ध्यान दिएर अगाडि बढ्ने छु । ’ कर्मचारी नियुक्ती गर्नेदेखिका अधिकार सरकारले आफूलाई दिएको बताउदै उनले अस्पतालले कोरोना संक्रमणको उपचारमा उल्लेख्य भूमिका खेल्न बिचार व्यक्त गरे । आफूले पहिले पनि अस्पतालको निर्देशक भएर नेतृत्व गरिसकेको बताउदै अहिले पनि आफुलाई त्यो अवसर पाएको बताए । डा. गौतमले यो भन्दा पहिले प्रसूति गृहको निर्देशक भएर जिम्मेवारी निर्वाह गरिसकेका छन् ।
