कोरोना संक्रमण र मृत्युदर दुबै घट्यो , ३,७४९ जनामा संक्रमण, ५९ जनाको मृत्यु

हेल्थ टुडे,

काठमाडौं, २७ जेठ : नेपालमा पछिल्लो हप्ता कोरोना संक्रमितको संख्यासँगै मृत्युदर पनि घटेको छ । दैनिक संक्रमितको संख्या चार हजार तल आउनु सकारात्मक भएको जनस्वास्थ्य विज्ञहरुले बताएका छन् ।

पछिल्लो २४ घण्टामा थप  ३ हजार ७४९ जनामा कोरोना भाइरस संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । ९ हजार ९०१ नमुनाको पीसीआर परीक्षणमा २ हजार ८७४ र ५ हजार ३३७ जनाको एन्टिजेन परीक्षणमा ८७५ जना गरी ३ हजार ७४९ जनामा संक्रमण भएको मन्त्रालयले पुष्टि गरेको हो । त्यसैगरि बिगत २४ घण्टामा ५९ जनाको कोरोनाका कारण ज्यान गएको छ । यो संख्या अघिल्ला दिनको तुलनामा कम हो ।