धर्मभक्त प्रत्यारोपण केन्द्रको ११ औं वार्षिकोत्सव सम्पन्न, कमला शर्मालाई उत्कृष्ठ कर्मचारी पुरस्कार

हेल्थ टुडे,
काठमाडौं, ११ बैसाख : भक्तपुरस्थित शहीद धर्मभक्त राष्ट्रिय प्रत्यारोपण केन्द्रले आफ्नो ११ औं वार्षिकोत्सव भव्यताका साथ मनाएको छ । मानब अंग प्रत्यारोपण केन्द्रका पूर्वअध्यक्ष डा. शुशीलनाथ प्याकुरेलको प्रमुख आतिथ्यतामा सोमबार केन्द्रले बार्षिकोत्सव मनाएको हो । बार्षिकोत्वमा केन्द्रमा कार्यरत कर्मचारीहरुमध्ये यस बर्ष उत्कृष्ट सेवा गरे बापत वाडमा कार्यरत स्टाफ नर्स कमला शर्मालाई उत्कृष्ठ कर्मचारी पुरस्कार प्रदान गरिएको छ । कार्यक्रममा केन्द्रका कार्यकारी निर्देशक डा. पुकारचन्द्र श्रेष्ठले केन्द्रले एक वर्षमा सम्पन्न गरेका कार्यहरुको विवरण प्रस्तुत गरेका थिए कार्यक्रममा केन्द्रले एक बर्षमा प्रदान गरेका सेवाहरुको विषयमा समिक्षा भएको थियो । कार्यकारी निर्देशक डा. श्रेष्ठले एक वर्षको अवधिमा २ सय ६ जनाको मिर्गौला प्रत्यारोपण गरेको, २७ हजार ८ सय ६७ सेसन हेमोडाइलाइसिस गरेको, २ लाख ३७ हजारको ल्याव टेष्ट गरेको, ५४ हजारले ओपिडि सेवा लिएको १५९ ले क्याथल्याव सेवा लिएको र मस्तिष्क मृत्यूबाट ४ जनाको मिर्गौला प्रत्यारोपण र २ जनाको कलेजो प्रत्यारोपण सेवा लिएको जानकारी दिए ।
विरामीको प्रतिनिधित्व गर्ने मृगौला पिडित समाजका अध्यक्ष झमक श्रेष्ठ र मृगौला सोकार समाजका अध्यक्ष बलराम सुबेदीले केन्द्रमा कार्यर सम्पुर्ण कर्मचरीहरुले विरामीको उपचारमा पु¥याउनु भएको सेवा र सहयोगको उच्च सम्मान गर्नुको साथै केन्द्रको विषयमा विरामी माझ नकारात्मक र भ्रमक समाचार तथा अभिव्यक्ती दिने विरुद्ध आँफुहरु जस्तो सुकै प्रतिकार गर्न प्रतिवद्ध रहेको र केन्द्रले गरेका राम्रा काममा संधै्र समर्थन गर्ने कुरा बताउनु भयो ।
उक्त कार्यक्रममा बोर्डका सदस्य प्रेमप्रकास उप्रेतीले केन्द्रमा कार्यरत सम्र्पुण कर्मचारीरुको मेहनत र परिश्रमकै कारण केन्द्रले प्रगति गरिरहेकोमा जोड दिए । केन्द्रका पुर्व अध्यक्ष डा. प्याकुरेलले आफ्नो पालामा भर्खरै सुरु भएको केन्द्रलाई विकास गरी हालको अवस्थासम्म ल्याउनको लागि आँफु सँधै लागि परेको बताउदै कर्मचारीहरुको इमान्दार प्रयासले सफलता हात परेको बताए ।