राज्यमन्त्री भएको २२ वर्षपछि मन्त्री भएर बस्नेत पुगे स्वास्थ्य मन्त्रालय

हेल्थ टुडे,
काठमाडौं, २१ बैसाख : आजभन्दा २२ वर्ष पहिले राज्यमन्त्री सम्हालेका नेपाली कांग्रेसका नेता मोहनबहादुर बस्नेत बिहीबार मन्त्री भएर स्वास्थ्य तथा जनसंख्या मन्त्री भएर पद बहाली गरेका छन् । बस्नेत बिसं २०५८ सालमा स्वास्थ्य राज्यमन्त्री भएका थिए । त्यति बेला स्वास्थ्य मन्त्री थिए वर्तमान श्रम मन्त्री शरतसिहं भण्डारी ।
मन्त्रालयमा पद बहालीपछि स्वास्थ्यका उच्च अधिकारी र सञ्चारकर्मीलाई सम्बोधन गर्ने क्रममा मन्त्री बस्नेतले २२ वर्ष अगाडिको त्यो क्षण स्मरण गर्दै भने, पहिले स्वास्थ्य राज्य मन्त्री हुँदा पनि जनताको पक्षमा राम्रै काम गरेको थिए । कुनै विवादमा नआएर फर्केको थिए । यस पटक मन्त्री भएर आएको छु । यो पटक त्यस बेलाको भन्दा अझ एतिहासिक काम गरेर फर्केने छु । उनले आफु स्वास्थ्य राज्य मन्त्री भएका बेला ट्रमा सेन्टर बनाउन पहल गरेकै फलस्वरुप अहिलेको अवस्थामा पुगेको बताए । स्वास्थ्य उपचार सेवा नपाएर कुनै पनि नेपालीले ज्यान गुमाउन नपरोस भन्ने ध्येय राखेर आफु अगाडि बढ्ने र त्यसमा मन्त्रालयका कर्मचारी र चिकित्सक सहित सबै स्वास्थ्यकर्मीको साथ हुनु पर्नेमा बस्नेतले जोड दिए ।
उनले भने, त्यति बेला नि स्वास्थ्यमा ३३ हजार कर्मचारी थिए । अहिले नि त्यो संख्या बढेको छैन । जनसंख्या धेरै बढ्यो । तर इच्छा शक्ति राखेर काम गर्ने हो भने थोरै संख्याले समेत परिणाम मुखी काम गर्न सकिने बस्नेतले बताए । ूवास्थ्य मन्त्रीको आफ्नो कार्यकाल स्मरणीय बनाउन आफु लाग्ने दावी उनले गरे । आफ्ु २४ घण्टामा २० घण्टा काम गर्न सक्छु भन्दै उनले गफ गर्ने कर्मचारी र काम गर्ने दुबैको मूल्यांकन गरिने बताए ।