स्वास्थ्य समन्वय महाशाखा प्रमुखको निर्देशकमा डा.चुमनलाल

हेल्थ टुडे,
काठमाडौँ, १८ साउन : स्वास्थ्य तथा जनसंख्या मन्त्रालयको महत्वपूर्ण महासाखा मानिने स्वास्थ्य समन्वय महाशाखाको निर्देशकमा डा. चुमनलाल दास नियुक्त भएका छन् । स्वास्थ्यमन्त्री मोहनबहादुर बस्नेतले मन्त्री स्तरीय निर्णय गर्दै डा.दासलाई समन्वय महाशाखाको निर्देशकमा नियुक्त गरेका हुन । डा. दास यस अघि स्वास्थ्य सेवा विभाग मातहतको इपिडिमियोलोजी तथा रोग नियन्त्रण महासाखाको निर्देशक थिए । समुन्वय महाशाखाको निर्देशक यशोदा अर्याल थिइन । उनी अध्ययन विदामा बस्ने भएपछि डा. दासलाई उक्त जिम्मेवारी दिइएको हो । स्वास्थ्य तथा जनसंख्या मन्त्रालयको प्रवक्ताको जिम्मेवारी पनि समुन्वय महासाखा प्रमुखले सम्हाले चलन छ । तर अहिले नै मन्त्री बस्नेतले डा. दासलाई प्रवक्ताको जिम्मेवारी भने दिएका छैनन् ।