हेल्थ टुडे,
चितवन, ११ भदौ : भरतपुर स्थित बीपी कोइराला मेमोरियल क्यान्सर अस्पतालको कार्यकारी निर्देशकमा डा. शिवजी पौडेल नियुक्त भएका छन्।
निर्देशक नियुक्तिका लागि गठित उपसिमितले डा पौडेललाई निर्देशकमा नियुक्तका लागि एक नम्बरमा सिफारिस गरेको थियो।
उपसमितिले डा पौडेलसहित डा कृष्णसागर शर्मा र प्रदिप न्यौपानेको नाम सिफारिस गरेको थियो। सिफारिस भएका नाममध्ये अस्पताल सञ्चालक समितिले डा पौडेलका नाममा सर्वसम्मत नियुक्त गरेको हो।
अस्पताल सञ्चालक समितिले अस्पतालको कार्यकारी निर्देशक नियुक्तिका लागि डा मदन उपाध्याय, डा प्रदीप ज्ञवाली र डा दिनेश विश्वकर्मा सदस्य रहेको तीन सदस्यीय उपसमिति गठन गरेको थियो। सोही उपसमितिले आइतबार राति डा पौडेलसहित तीन जनाको नाम सिफारिस गरेको थियो।
नेपाल मेडिकल काउन्सिलका उपाध्यक्ष समेत रहेका डा पौडेल क्यान्सर अस्पतालका रेडियसन अंकोलोजिष्ट हुन्।
बीपी कोइराला क्यान्सर अस्पतालको कार्यकारी निर्देशकमा डा.शिवजी पौडेल
![बीपी कोइराला क्यान्सर अस्पतालको कार्यकारी निर्देशकमा डा.शिवजी पौडेल](https://healthtodaynepal.com/wp-content/uploads/2023/08/a-shiv-ji-77_1174189266_n-940x627.jpg)
Leave a Reply