बाँकेमा पोलियोविरुद्धको आईपिभी खोप अभियान सञ्चालन गरिदै

हेल्थ टुडे,
नेपालगन्ज, जेठ ३ : बाँकेमा पोलियो रोग विरुद्धको आईपिभी खोप अभियान सञ्चालन गर्ने तयारी गरिएको छ । राष्ट्रिय खोप कार्यक्रम अन्तरर्गत यही जेठ १३ गतेबाट उक्त अभियान सञ्चालन गर्न लागिएको हो । अभियान जेठ २६ गतेसम्म चल्ने बताइएको छ । खोप अभियान सञ्चालन गर्नुअघि जिल्ला स्तरिय अभिमुखिकरण तथा योजना तर्जुमा गोष्ठी गरिएको छ । स्वास्थ्य कार्यालय बाँकेले जिल्लाका विभिन्न स्थानीय तहमा कार्यरत स्वास्थ्यकर्मी लगायतलाई बिहीबार अभिमुखिकरण गरेको हो ।
अभिमुखिकरणमा कार्यालयका खोप फोकल पर्सन नरेश श्रेष्ठले पोलियो रोग उन्मुलन गर्ने उद्देश्यका साथ आईपिभी खोप सञ्चालन गर्न लागिएको बताए । उनका अनुसार २०७३ बैशाखदेखी २०७५ असोजभित्र जन्मेका बालबालिकालाई बालबालिकालाई उक्त खोप दिइनेछ । नेपालमा पछिल्लो समय पोलियो रोग देखा परेको छैन । २०६७ सालमा रौतहट जिल्लामा पोलियो रोग देखा परेको बताइन्छ ।
अभिमुखिकरणमा डब्लु.एच.ओ.मा कार्यरत सरला न्यौपाने, युनिसेफका शिव सुवेदी र प्रदेश आपुर्ती ब्यवस्थापन केन्द्रका हरि आचार्यले पनि प्रस्तुतीकरण गरेका थिए ।
अभियानमार्फत बाँकेमा २८ हजार २ सय ५१ जना बालबालिकालाई खोप दिइने स्वास्थ्य कार्यालय बाँकेका प्रमुख, वरिष्ठ जनस्वास्थ्य अधिकृत अंगदबहादुर शाहीले जानकारी दिए ।
उनका अनुसार लुम्बिनी प्रदेशमा २ लाख ५३ हजार ७९ जनालाई खोप दिने लक्ष्य राखिएको छ । यस्तै नेपालभर १४ लाख ६२ हजार ७ सय १२ जनालाई खोप दिइ