नेपालमा कोभिड–१९ को नयाँ भेरियन्ट ‘केपी.१’ र ‘केपी.२’ पुष्टि

हेल्थ टुडे,
काठमाडौँ, ११ जेठ : नेपालमा कोभिड– १९ को दुई नयाँ भेरियन्ट ‘केपी.१’ र ‘केपी.२’ पुष्टि भएको छ । राष्ट्रिय जनस्वास्थ्य प्रयोगशालाका अनुसार कोभिड– १९ को ओमिक्रोन भेरिएन्टको नयाँ सब–भेरियन्ट ‘केपी.१’ र ‘केपी.२’ नेपालमा पुष्टि भएको हो । राष्ट्रिय जनस्वास्थ्य प्रयोगशालाका अनुसार गएको दुई महिनायता देशभर कोरोना संक्रमण देखिएका ४० नमूनाको जिन सिक्वेन्सिङ गर्दा १२ जनालाई ओमिक्रोन भेरियन्टको सबभेरियन्ट ‘केपी.१’ र १७ जनामा ‘केपी.२’ पुष्टि भएको हो । केपी.१ र केपी.२’ ओमिक्रोन भेरिएन्टकै सब–भेरिएन्ट हो । हाल उक्त भाइरस सिंगापुर अमेरिका लगायत अफ्रिकी मुलुकमा देखिएको छ ।