परिवार नियोजन संघद्वारा एक वर्षमा ३६ लाखलाई प्रजनन् स्वास्थ्य सेवा प्रदान

हेल्थ टुडे,
काठमाडौं, २ असोज : नेपाल परिवार नियोजन संघले एक वर्षमा ३६ लाख व्यक्तिहरुलाई यौन तथा प्रजनन् स्वास्थ्य सेवा प्रदान गरेको छ । ११ औं राष्ट्रिय परिवार योजना दिवस तथा परिवार नियोजन संघको ६५ औं स्थापना दिवसका अवसरमा बुधबार संघको केन्द्रीय कार्यालय पुल्चोकमा आयोजना गरिएको कार्यक्रममा नेपाल परिवार नियोजन संघले सन् २०२३ मा देशका ३१ वटा जिल्लामा रहेका सेवा केन्द्रहरु मार्फत ३६ लाख व्यक्तिलाई यौन तथा प्रजनन स्वास्थ्यका विविद सेवा प्रदान गरेको जनाएको हो । सो अवधिमा संघले एक लाख महिलाको अनिश्छित गर्भाधारण रोक्न भूमिका खेलेको, ५० हजारको असुरक्षित गर्भपतन हुनबाट बचाएको, ४३ जना महिलाको मातृ मृत्यु घटाएको र ३०० बाल मृत्युदर घटाउन योगदान गरेको दाबी गरेको छ ।
कार्यक्रममा बोल्दै नेपाल परिवार नियोजन संघका अध्यक्ष हिमाल कसजूले युवा जनशक्ति विदेश पलायत हुदै जाने र देशमा जनसंख्या घट्दै गए भविश्यमा समस्या आउने बताउदै सरकारले बेलैमा जनसंख्या व्यवस्थापनका बिषयमा ठोस योजना बनाउनु पर्नेमा जोड दिए । जनसंख्या वृद्विदर घटिसकेकाले अव जनसंख्या घटाउनतिर लाग्नु भन्दा भएको जनसंख्यालाई व्यवस्थित गर्नतिर लाग्नु पर्ने कसजूले बताए । परिवार नियोजन संघले पनि अब नयाँ योजनाका साथ अगाडि बढ्नु पर्ने बेला आएको बताउदै संघका अवका कार्यक्रम गुणस्तरीय प्रजनन सेवा र अधिकारका विषयमा केन्द्रित हुने कसजूले जानकारी दिए । संघका कार्यकारी निर्देशक डा. प्रविण शाक्यले परिवार नियोजन संघले अव जनसंख्या घटाउनु भन्दा प्रजनन स्वास्थ्य सेवाको दायरा बढाएर अगाडि बढ्ने बताए । उनले भने, ‘हामी अब परिवार योजनामा फोकस छौ । यही अनुसार अगाडि बढ्छौ । ’
विसं २०१६ सालमा स्वर्गिय द्वारिका देबी ठगुरानीको अगुवाईमा स्थापना भएको संघले नेपालमा जनसंख्या नियन्त्रण र यौन तथा प्रजनन् स्वास्थ्य सेवा प्रदान गर्नमा अग्रणी भूमिका खेलेको छ । कार्यक्रममा अध्यक्ष कसजू र कार्यकारी निर्देशक डा. शाक्यले स्वर्गिय ठगुरानीको तस्विरमा माल्र्यापण गरेर कार्यक्रमको सभुारम्भ गरेका थिए । कार्यक्रममा नेपाल परिवार नियोजन संघ जनसम्पर्क एवं पैरवी विभाग प्रमुख जमुना सिटौलाले संघले सन् २०२३ देखि २०२८ सम्मका लागि नयाँ रणनीतिक योजना निर्धारण गरेर अगाडि बढेको बताइन । परिवार नियोजनका साथै व्यक्ति केन्द्रित सेवा, यौनिकता शिक्षामा अग्रसरता, परिवर्तनका लागि एकबद्वता, संस्थागत वृद्विविकाश र दिगोपन लगायतका मुख्य स्तम्भका आधारमा संघले सेवा प्रदान गर्ने सिटौलाले जानकारी दिइन । कार्यक्रममा संघ मातहतका विभिन्न साखा प्रमुखहरुको पनि सहभागिता थियो ।