पाँच चिकित्सकको अभिनयमा डा. रिजालको अंगदान सम्बन्धि गीत ‘ मेरो मृत्यु पछि… ’ सार्वजनिक

हेल्थ टुडे,
काठमाडौं, १० जेठ : वरिष्ठ स्त्री तथा प्रसूति रोग विज्ञ एवं गितकार डा.भोला रिजालद्वारा रचना गरिएको अंगदान सम्बन्धि भिडियो गित सनिबार राजधानीमा सार्वजनिक गरिएको छ । गीतकार संघ नेपालले आयोजना गरेको कार्यक्रममा सार्वजनिक गरिएको भिडियो गीतमा डा. रिजालका अलावा चर्चित अंग प्रत्यारोपण सर्जन डा. पुकारचन्द्र श्रेष्ठ, आँखा रोग विज्ञ डा. रिता गुरुङ, मुटुरोग सल्यचिकित्सक डा. भगवान कोइराला र डा. जोतेन्द्र शर्माले अभिनय गरेका छन् । गीतमा अंग दान गरेर पुण्य कमाउन सर्वसाधारणलाई आव्हान गरिएको छ । न्ह्यु बजाचार्यको संगीत रहेको उक्त गीतमा प्रविण रानाभाटले स्वर दिएको छ । कार्यक्रममा बोल्दै गीतकार डा. रिजालले मृत्यु पछिको संसार अहिलेको भन्दा राम्राृे हुने दाबी गर्दै त्यसको लागि यो जुनीमा अंगदान जस्ता अर्काको भलाई हुने काम गर्नु पर्ने बताए । अंग प्रत्यारोपण विज्ञ डा. पुकारचन्द्र श्रेष्ठले डा. रिजालको छवि स्त्री रोग विज्ञका रुपमा मात्र सिमित नभएर समाजसेवी, गितकार र अभियन्ताका रुपमा समेत ख्यातिप्राप्त गरेको बताउदै अंग प्रत्यारोपणका क्षेत्रमा नेपालमा ठूलो प्रगति भएकोमा जोड दिए । मस्तिष्क मृत्यु भएका व्यक्तिको अंगदान गर्ने प्रचलन विस्तार गर्न गीत सगीतले ठूलो भूमिका खेल्ने डा. श्रेष्ठले बताए । आँखा रोग विज्ञ डा. रिता गुरुङले अंगदानका विषयमा अझै जनचेतना बिस्तार गर्नु पर्ने आवश्यकता रहेको बताइन । देउराली जनता फर्मास्वुटिकल्सका प्रवन्ध निर्देशक हरिभक्त शर्माले नेपालमा नकारात्मक कुराको खेती गरेर दिन कटाउनेहरुको भिडमा डा. रिजाल, डा. पुकार र डा.रिताजस्ता चिकित्सकले आशाको सञ्चार गराएको बताए । अंगदानको् क्षेत्रमा समाजका सबै तह र तप्काको सहकार्य हुनु पर्नेमा शर्माले जोड दिए ।