मन्त्री बनाउन होइन, आँखा जाँचका लागि प्रधानमन्त्री कार्की तिलगंगा

हेल्थ टुडे,
काठमाडौं, ३१ भदौ : प्रधानमन्त्री सुशीला कार्की नियमति आँखा जाँचका लागि मंगलबार तिलगंला आँखा अस्पताल गइन । आँखाको उपचारका क्रममा तीन महिनाअघि उनको मोतिबिन्दुको शल्यक्रिया गरिएको थियो । तर समाजिक सञ्जालहरुमा भने कार्की तिलंगगा आँखा प्रतिष्ठनाका प्रमुख डा. सन्दुश रुइतलाई स्वास्थ्य मन्त्री बनाउन तिलगंगा गएको खबर बाहिरिएको छ । तिलगंगा आँखा प्रतिष्ठान व्यवस्थापन र प्रधामन्त्री निकट स्रोतले भने मन्त्री बनाउन नभई नियमित आँखा जाँचका लागि प्रधानमन्त्री तिलगंगा गएको स्पष्ट पारेको छ । तिलगंगाका प्रमुख सञ्चालन अधिकृत पिताम्बर अधिकारीका अनुसार डा. रुइत र डा. रिता गुरुडले कार्कीको आँखा जाँच गरेका थिए । प्रधानमन्त्री कार्कीको देब्रे आँखा धमिलो हुने समस्या थियो । त्यसको पनि उपचार गरिएको अस्पतालले जनाएको छ ।