• गृहपृष्ठ
  • समाचार
  • अन्तर्वार्ता
  • बिशेषज्ञ लेख
  • परिवार स्वास्थ्य
  • मानसिक
  • यौन
  • उपचार बिधी
  • स्वास्थ्य विशेष
  • योग
  • पोषण
  • आयुर्वेद
Health Today Nepal
  • November 21st, 2026
Health Today Nepal
  • गृहपृष्ठ
  • समाचार
  • अन्तर्वार्ता
  • बिशेषज्ञ लेख
  • परिवार स्वास्थ्य
  • मानसिक
  • यौन
  • उपचार बिधी
  • स्वास्थ्य विशेष
  • योग
  • पोषण
  • आयुर्वेद
Home
समाचार

डा. केसीविरुद्ध सुदूरपश्चिममा विरोध चर्कियो, संघर्ष समितिले दियो प्रतिअनशनको चेतावनी

July 24th, 2026 समाचार 0 comments
Facebook Twitter Google+ LinkedIn Pinterest
डा. केसीविरुद्ध सुदूरपश्चिममा विरोध चर्कियो, संघर्ष समितिले दियो प्रतिअनशनको चेतावनी

हेल्थ टुडे,
धनगढी, ८ साउन : शहीद दशरथचन्द स्वास्थ्य विज्ञान विश्वविद्यालय, गेटामा यसै शैक्षिक सत्रदेखि एमबीबीएस अध्ययन सुरु गर्ने सरकारी तयारी प्रभावित हुने भन्दै सुदूरपश्चिमका विभिन्न सरोकारवालाले डा. गोविन्द केसीको सत्याग्रहप्रति असन्तुष्टि जनाएका छन् । विश्वविद्यालय सञ्चालनको पक्षमा रहेका स्थानीयले आन्दोलन फिर्ता लिन आग्रह गर्दै अन्यथा प्रतिअनशनमा उत्रने चेतावनी दिएका छन् ।

शहीद दशरथचन्द स्वास्थ्य विज्ञान विश्वविद्यालय संघर्ष समितिका संयोजक लोकराज पाण्डेले शुक्रबार भिडियो सन्देश जारी गर्दै विश्वविद्यालय सुदूरपश्चिमवासीको दशकौँ लामो संघर्ष, त्याग र बलिदानबाट प्राप्त उपलब्धि भएकाले यसको स्थापना तथा सञ्चालन प्रक्रियामा अवरोध सिर्जना हुने कुनै पनि गतिविधि स्वीकार्य नहुने बताए ।

उनले डा. केसीलाई तत्काल सत्याग्रह अन्त्य गर्न आग्रह गर्दै माग सम्बोधन नभए सरकार र डा. केसीविरुद्ध प्रतिअनशन सुरु गर्न बाध्य हुने चेतावनी दिए । विश्वविद्यालय सुदूरपश्चिमका नागरिकको अधिकार, भावना र विकासको आकांक्षासँग जोडिएको विषय भएकाले यसको सञ्चालन प्रक्रिया प्रभावित पार्ने प्रयास नगर्न उनले आग्रह गरे ।

डा. गोविन्द केसी धनगढीमा आफ्नो २४औँ सत्याग्रहमा छन्। चिकित्सा शिक्षा सुधारसँग सम्बन्धित पाँचबुँदे मागमध्ये एक माग शहीद दशरथचन्द स्वास्थ्य विज्ञान विश्वविद्यालयका पदाधिकारीको नियुक्ति खारेज गर्नुपर्ने रहेको छ । हालै सरकारले प्रतिस्पर्धात्मक प्रक्रियाबाट प्रा. डा.सुनिलकुमार जोशीलाई उपकुलपति र डा. भीमबहादुर चन्दलाई रजिष्ट्रार नियुक्त गरेको थियो ।

विश्वविद्यालय पक्षधरहरूले दुवै पदाधिकारी योग्यता र प्रतिस्पर्धाका आधारमा नियुक्त भएकाले नियुक्ति खारेजको मागले विश्वविद्यालयको शैक्षिक गतिविधि प्रभावित हुन सक्ने बताएका छन् । उनीहरूले यसै वर्षदेखि एमबीबीएस अध्ययन सुरु गर्ने तयारीमा असर पर्न सक्ने चिन्ता व्यक्त गरेका छन् ।

यसैबीच, सुदूरपश्चिमबाट निर्वाचित केही जनप्रतिनिधि तथा स्थानीय सरोकारवालाले पनि डा. केसीको आन्दोलनप्रति असहमति जनाएका छन् । सुदूरपश्चिम सरोकार समाज, धनगढीका अध्यक्ष लिलाराम विष्टले विश्वविद्यालय सञ्चालनमा अवरोध पुग्ने गतिविधि स्वीकार्य नहुने बताउँदै आन्दोलन तत्काल फिर्ता लिन आग्रह गरे ।

Facebook Twitter Google+ LinkedIn Pinterest
Previous article चर्को विरोधपछि डा.गोविन्द केसी अनसन छोडेर सेती प्रादेशिक अस्पताल भर्ना
Next article ५ बुँदे माग राख्दै धनगढीबाट डा. गोविन्द केसीले सुरु गरे अनसन

Health Today Nepal

Related Posts

स्वास्थ्य सूचनामा फेरि खड्का

स्वास्थ्य सूचनामा फेरि खड्का

स्वास्थ्य राज्यमन्त्री ए क्लासको ठेकेदार

स्वास्थ्य राज्यमन्त्री ए क्लासको ठेकेदार

अस्पताललाई अनसनस्थल बनाएकोमा बिरोध

अस्पताललाई अनसनस्थल बनाएकोमा बिरोध

Leave a Reply Cancel reply

Timeline
Nov 20th 8:56 AM
समाचार

प्रथम राष्ट्रिय स्वास्थ्य प्रवर्द्धन सम्मेलन सुरु

Nov 16th 5:56 PM
समाचार

नेपालसँग स्वास्थ्य सहकार्य विस्तार गर्न चीन तयार

Nov 16th 8:26 AM
बिशेषज्ञ लेख

मधुमेहबाट बच्न यी पाँच कुरामा ध्यान दिउ

Nov 2nd 4:57 PM
समाचार

नेपालमा वर्षेनी ७ हजारभन्दा बढीको आत्महत्याबाट मृत्यु, रोकथाममा जिम्मेवार पत्रकारितामा जोड

Oct 28th 7:27 AM
समाचार

हावाहुरी र वर्षाको पूर्वानुमानसँगै १२ देखि १४ गतेसम्म स्वास्थ्य क्षेत्र उच्च सतर्कतामा

Oct 26th 10:50 AM
बिशेषज्ञ लेख

मधुमेहको समस्या छ भने सानो थालमा खानुस्

Oct 8th 8:01 AM
समाचार

विश्व दृष्टि दिवस : दृष्टि समस्या भएका ३० प्रतिशत दक्षिण–पूर्वी एसियामा

Oct 7th 12:04 PM
समाचार

कांग्रेस महाधिवेशनमा चिकित्सक संघका तीन पूर्वअध्यक्षको उम्मेदवारी

ताजा समाचार
समान्य नहुनसक्छ रुघाखोकी
बिशेषज्ञ लेख

समान्य नहुनसक्छ रुघाखोकी

134823
पाठेघर खस्ने समस्या
परिवार स्वास्थ्य

पाठेघर खस्ने समस्या

44
हरेक दिन ५ ग्राम नुन
परिवार स्वास्थ्य

हरेक दिन ५ ग्राम नुन

30
विरामी र डाक्टर : अविश्वासको खाडल
स्वास्थ्य विशेष

विरामी र डाक्टर : अविश्वासको खाडल

25
प्रकाशक
हेल्थ टुडे मिडिया प्रा.लि.
सुचना बिभाग दर्ता नम्बर : ३८५/०७३-७४

सम्पादक
पदमराज जोशी

समाचारदाता
के.पी रिमाल

सन्ध्या केसि

सम्पर्क
हेल्थ टुडे मिडिया प्रा.लि
अनामनगर, काठमाडौ
01-4212972, 9841449315

© Health Today Nepal 2021. All rights reserved.
Designed & Developed By : Nepsol Web