स्वास्थ्यकर्मी संघको अध्यक्षमा घिमिरे,अरु पदमा को–को निर्वाचित भए ? (मतसहित)

हेल्थ टुडे,
काठमाडौ,२५ कात्तिकः आफ्ना प्रतिस्पर्धी ओम उपाध्यायलाई ११४ मत अन्तरले हराउँदै नेपाल स्वास्थ्यकर्मी संघको अध्यक्षमा रामजी घिमिरे विजयी भएका छन् ।अध्यक्ष पदमा घिमिरेले ३३१ मत पाए भने उपाध्यायले २१७ मत पाए । घिमिरेले संघमा लगातार तीन कार्यकाल अध्यक्ष बनेका छन् । यसअघि उनी दुई पटक संघको अध्यक्ष भईसकेका छन् ।
यस्तै, यस्तै,बरिष्ठ उपाध्यक्षमा रामचन्द्र साह २६२ मतका साथ विजयी भएका छन् । उनको निकटतम प्रतिस्पर्धी दीपक मुडभरीले १६७ मत र अर्का प्रतिस्पर्धी भवानी शर्माले ९९ मत ल्याए । खुल्ला उपाध्यक्षमा रमिला चौलागाईँ ३३१ मतका साथ विजयी भईन् । उनको प्रतिस्पर्धी निराकुमारी निरौँलाले १८१ मत प्राप्त गरिन् । यस्तै, उपाध्यक्ष सरकारी तर्फ किरण ओली २८८ मतका साथ विजयी भए । उनका प्रतिस्पर्धी राज नारायण मण्डलले २०७ मत पाए ।

उपाध्यक्ष निजी तर्फ साहिला गिरीले २३२ मत प्राप्त गरिन्। उनको निकटतम प्रतिस्पर्धी महेन्द्र थापाले १५४ मत र केदार रिजालले १०५ मत पाए । महासचिवमा दीपक भट्टले ३१९ मतका साथ विजयी भएका छन् । उनका प्रतिस्पर्धी शंकर कंडेलले २२० मत ल्याए । यस्तै, कोषाध्यक्षमा सुरेश पासवानले जित हासिल गरेका छन्। पासवानले प्रतिस्पर्धामा राजकुमार तिवारीलाई पराजित गरेका हुन् ।
स‌ंघको निर्वाचनमा ५७२ मत खसेको थियो । आईतबार बिहान ८ बजेबाट सुरु भएको मतदान १२ बजे सकिएको थियो । मतगणना भने २ बजेपछि सुरु भएको थियो। देशभरबाट आएका करिब ७७१ मतदाताले संघको नयाँ नेतृत्वका लागि मतदान गरेका थिए ।