गत २४ घण्टामा कोरोना संक्रमितको संख्या घट्यो,बढी टेष्ट गर्दा पनि संक्रमितको संख्यामा कमि

हेल्थ टुडे,

काठमाडौं, १८ साउन : नेपालमा गत २४ घण्टामा कोरोना संक्रमितको संख्या घटेको छ । शनिबार ३ सय १५ जनामा कोरोना संक्रमण पुष्टि भएकोमा आईतबार त्यो संख्या २२ प्रतिसतले घटेर २४६ रहेको छ । शनिबारको भन्दा आईतबार एक हजार ८ सय ६८ जना बढीको परिक्षण गराउदा त्यो संख्या घट्ेको हो ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार शनिबार ६ हजार ९ सय ९३ जनाको पीसिआर गरिएकोमा आईतबार त्यो भन्दा बढी ८ हजार ८ सय ६१ जनाको पीसिआर टेष्ट गरिएको थियो । शनिबारको भन्दा आईतबार एक हजार ८ सय ६८ जना बढीको परिक्षण गराउदा पनि संक्रमितको संख्या घट्नुलाई सकारात्मक पक्ष भएको विज्ञहरुले बताएका छन् । डा. गौतमका अनुसार नेपालमा कुल संक्रमित २० हजार ३ सय ३२ मध्ये १४ हजार ६ सय ३ जना निको भएर घर फर्किसकेका छन । कुल संक्रमित मध्ये निको हुने दर ७२ प्रतिसत रहेको छ । बिगत २४ घण्टामा १ सय ११ जना निको भएर घर फर्किएका छन । त्यसै गरि स्वास्थ्य तथा जनसंख्या मन्त्रालयले ६० वर्ष भन्दा माथिका जेष्ठ नागरिकलाई र १२ बर्ष भन्दा कम उमेरका बालबालिकालाई घर बाहिर ननिस्कन आग्रह गरेको छ ।