संक्रमण दर घट्न थाल्यो, बिगत २४ घण्टामा ७ हजार ३६८ संक्रमित, ६ हजार ६४८ निको भए

हेल्थ टुडे,

काठमाडौं,२ जेठ :  नेपालमा कोरोना संक्रमण दर घट्न थालेको छ । बिगत २४ घण्टामा कोरोना संक्रमित हुनेको संख्या ७ हजार ३६८ रहेको छ । बिगत एक हप्तामा यो संख्या सबैभन्दा कम हो । शुक्रबार ८ हजार ६ सय ७० जनामा र हिजो शनिबार ८ हजार ४६ मा कोरोना संक्रमण देखिएको थियो । १९ हजार ५३९ पीसिआर र ३४४ एन्टिजिन बिधिबाट गरि कुल १९ हजार ८८३ जनाको कोरोना परीक्षण गर्दा ७ हजार ३६८ मा कोरोना संक्रमण देखिएको स्वास्थ्य तथा जनसंख्या मन्त्रालयका प्रवक्ता डा. जाज्ञेश्वर गौतमले जानकारी दिए । उनका अनुसार पछिल्लो २४ घण्टामा ६ हजार ६४८ जना कोरोना संक्रमण मुक्त भएर घर फर्केका छन् । त्यसैगरि काठमाडौंमा विगत २४ घण्टामा १८८१ जनाका संक्रमण प्रमाणित भएको छ भने ललितपुर र भक्तपुरमा क्रमश ४३६ र २९२ संक्रमित भएका छन ।