अस्पतालहरुलाई स्वास्थ्यको निर्देशन  : ‘स्वास्थ्यकर्मीलाई न्युनतम भन्दा कम पारिश्रमिकमा काममा लगाउन पाइदैन। ’

हेल्थ टुडे,
काठमाडौं, २५ जेठ : स्वास्थ्य तथा जनसंख्या मन्त्रालयले स्वास्थ्यकर्मीलाई तोकिएको न्युनतम भन्दा कम पारिश्रमिक दिएर काममा नलगाउन सम्पूर्ण अस्पतालहरुलाई निर्देशन दिएको छ । मन्त्री स्तरित निर्णय गर्दै मन्त्रालयले विज्ञप्ति मार्फत सबै अस्पतालहरुलाई यसको जानकारी गराएको हो ।

बिशेष गरि निजी अस्पतालहरुले स्टाप नर्स सहित स्वास्थ्यकर्मीहरुलाई सरकारले ताकेको न्युनतम पारिश्रमिक भन्दा कममा काममा लगाएर श्रम शोषण गर्ने गरेको गुनासो बढेपछि मन्त्रालयले यो निर्णय गरेको हो । तर मन्त्रालयले न्युनतम पारिश्रमिक कति हुनु पर्ने हो, त्यो भने खुलाएको छैन ।

यसका साथै मन्त्रालयले अस्पतालहरुमा कार्यरत चिकित्सक र स्वास्थ्यकर्मीलाई समाजिक सुरक्षा कोषमा पनि सहभागी गराउन निर्देशन दिएको छ । अहिले पनि निजी अस्पतालका हजारौ स्वास्थ्यकर्मी समाजिक सुरक्षा कोषमा संलग्न भएका छैनन् ।