पूर्वप्रधानमन्त्री  खनाललाई  थप उपचारका लागि आज नयाँदिल्ली लगिने

हेल्थ टुडे,

काठमाडौं, २ असार : पूर्वप्रधानमन्त्री झलनाथ खनाललाई थप उपचारका लागि आज भारतको नयाँदिल्ली लगिने भएको छ । खनालको उपचार दिल्लीको एपोलो अस्पतालमा हुने छ ।

आज दिउँसो साढे बाह्र बजे नयाँदिल्ली लैजान लागिएको खनालको सचिवालयले जनाएको छ ।  ।ज्वरो आएपछि र रगतमा हेमोग्लोबिनको मात्रा कम भएपछि उनलाई गत सोमबार बिहान काठमाडौंको थापाथलीस्थित नर्भिक अस्पतालमा भर्ना गरिएको थियो । त्यसभन्दा पहिले कोरोनाको उपचार गराएका खनाल कोरोना निको भएपछि घर फर्किएका थिए ।