नक्कली प्रमाणपत्रको आरोपमा नेपाल प्रहरीको केन्द्रिय अनुसन्धान ब्युरोले पक्राउ गरि अदालतमा मुद्दा चलाइएका डा.जगानन्द भण्डारीलाई जिल्ला अदालत ललितपुरले सफाई दिएको छ । ब्युरोले देशका विभिन्न स्थानबाट ३६ जना चिकित्सकलाई असार ३ गते पक्राउ गरि सम्बन्धित जिल्ला अदालतमा मुद्दा चलाएको थियो ।
ब्युरोले यथेस्ट प्रमाण विनै मुद्दा चलाइएको भन्दै ललितपुर जिल्ला अदालतले नेपाल परिवार नियोजन संघ, युएसएआईडी प्रोजेक्टमा चिफ अफ पार्टीको रुपमा कार्यरत डा. भण्डारीलाई हालै सफाई दिएको हो । डा. भण्डारीसंगै पक्राउ परेर मुद्दा चलाइएका डा. दिपेश पौडेललाई पनि ललितपुर जिल्ला अदालतले सफाई दिएको छ । नर्भिक हस्पिटलमा कार्यरत बाथरोग विशेषज्ञ डा. अरुणकुमार गुप्तालाई पनि केही दिन पहिले जिल्ला अदालत काठमाडौंले सफाई दिएको थियो । ब्युरोले त्यति बेला भारतका विभिन्न विश्वविद्यालयमा अध्ययन गरेका १०९ जना चिकित्सकको शैक्षिक प्रमाणपत्रको अनुसन्धान गरेको भए पनि ३६ जनामाथि मात्र मुद्दा चलाएको थियो ।
मुद्दा चलाइएका मध्ये अधिकांशले अदालतले सफाई पाइसकेका छन । नेपाल प्रहरीका डिआईजी एवं व्युरो प्रमुख नवराज सिलवालले चर्चामा आउन यो अप्रेसन चलाएर केही चिकित्सकलाई बदनाममात्र गरेको र अरुको हकमा कुनै छानविन नै अगाडि नबढाएको पिडितहरु बताउँछन ।
Leave a Reply