चिकित्सक संघको चुनावमा लोकतान्त्रिक समूहको पल्ला भारी

हेल्थ टुडे,
काठमाडौं, ५ माघ : नेपाली चिकित्सकहरुको छाता संगठन नेपाल चिकित्सक संघको नयाँ नेतृत्वका लागि चिकित्सकहरु भिन्न प्यानल बनाएर चुनावी मैदानमा ओर्लिएका छन् । उपत्यका बाहिर माघ ६ र ७ गते तथा उपत्यका भित्र माघ १९, २० र २१ गते गरि दुई चरणम गरि हुने संघको निर्वाचनमा बिशेष गरि तीन वटा प्यानलबिच प्रतिस्पर्धा हुने भएको छ । डा.अनिल बिक्रम कार्कीले नेतृत्व गरेको लोकतान्त्रिक समूह, डा.सन्तोष पौडेलले नेतृत्व गरेको पेशागत समावेशी समूह र डा. शिबजी सिलवालले नेतृत्व गरेको स्वतन्त्र समूह चुनावी मैदानमा छन् ।
सबै समूहले आआफ्ना अजेण्डा सहित देशव्यापी दौडाहा सम्पन्न गरेर चिकित्सकहरुसँग मत मागेका छन् । आफूहरुको अजेण्डा मन पराएकाले आफू नेतृत्वको समूह बिजयी हुनेमा तीन वटै समूह आशावादी छन् । लोकतान्त्रिक समूहबाट अध्यक्षका उम्मेदवार डा. कार्की यो पटक पनि बिगत बर्षहरु झै लोकतान्त्रिक समूहको बिजय निश्चित भएको बताउछन् । डा.कार्की भन्छन, ‘देशव्यापी रुपमा संघको वर्तमान नेतृत्वले गरेका कामका आधारमा साथीहरुले हामीलाई जुन विश्वास गर्नु भएको छ, त्यसको आधारमा हाम्रो जीत निश्चित भइसकेको छ ।’ त्यसैगरि पेशागत समाबेशी समूहबाट अध्यक्षका उम्मेदवार डा. पौडेल युवा पुस्ताका चिकित्सकहरुले आफ्नो समूहलाई विश्वास गरेकाले आफूहरु संघको नेतृत्वमा पुग्ने बताउछन् । डा. पौडेल भन्छन, ‘ देशभरिका चिकित्सकहरु चिकित्सक संघमा नेतृत्व परिवर्तनको पक्षमा छन । त्यसैले यो पटक हामी जित्छौ भन्ने विश्वास छ । ’
तीन वटा समूह चुनावी मैदानमा भए पनि डा.कार्कीले नेतृत्वले गरेको लोकतान्त्रिक समूहको पल्ला भारी रहेको वरिष्ठ चिकित्सकहरु बताउछन् । अध्यक्ष, वरिष्ठ उपाध्यक्ष, ७ जना उपाध्यक्ष (प्रदेश संयोजक) , महासचिव, कोषाध्यक्ष, सहसचिव, सहकोषाध्यक्ष र ६ सदस्य गरि १९ पदका लागि हुने निर्वाचनमा लोकतान्त्रिक समूहबाट वरिष्ठ उपाध्यक्ष, ३ जना उपाध्यक्ष (प्रदेश संयोजक), कोषाध्यक्ष, सहसचिव र सहकोषध्यक्ष गरि ७ जना उम्मेदवार निर्विरोध निर्वाचित भइसकेका छन् । यो परिणामबाटै पनि लोकतान्त्रिक समूह अन्य दुई समूहको तुलनामा निकै अगाडि रहेको अनुमान लगाउन सकिने चिकित्सकहरुको दाबी छ ।
अब अध्यक्ष, ४ जना उपाध्यक्ष (प्रदेश संयोजक), महासचिव र ६ जना सदस्य गरि १२ पदका लागि मात्र मतदान हुने निर्वाचन समितिले जनाएको छ । डा. पौडेल र डा.सिलवालले नेतृत्व गरेका समूहले सबै पदहरुमा उम्मेदवार समेत उठाउन नसक्नु भनेको डा. कार्की नेतृत्वको लोकतान्त्रिक समूहको दाजोमा अन्य समूह निकै कमजोर रहेको विश्लेषण वरिष्ठ चिकित्सक प्रा. डा. करविरनाथ योगीको छ । डा. योगीले भने, ‘ चिकित्सक संघको इतिहासमा लोकतन्त्रवादी चिकित्सक बाहेक अरुले जितेका छैनन् । यो पटक पनि लोकतान्त्रिक समूहले नै जित्छ । ’
डा. पौडेलले नेतृत्व गरेको पेशागत समावेशी समूहले १२ पदमा मात्र उम्मेदवारी दिएको छ भने डा.सिलवालको स्वतन्त्र समूहले ५ पदमा मात्र उम्मेदवारी दिएको छ । ३ वर्ष अगाडि भएको निर्वाचनमा लोकतान्त्रिक समूहका डा. लोचन कार्कीले दुई तिहाई भन्दा बढी मतले विजय हासिल गरेका थिए । करिव १३ हजार चिकित्सक मतदाता रहेको संघको निर्वाचन दुई चरणमा हुन गइरहेको छ । उपत्यका बाहिर माघ ६ र ७ गते संघका साखा कार्यालयमा हुने छ भने उपत्यकामा संघको केन्द्रिय कार्यालयमा यही माघ १९, २० र २१ गते मतदान हुने छ । मतदान सकिएपछि मत गणना एकै पटक सुरु गरिने निर्वाचन समितिले जनाएको छ ।

लोकतान्त्रिक समूहका उम्मेदवारहरु :
१. अध्यक्ष : डा. अनिल बिक्रम कार्की
२. उपाध्यक्ष (मधेश प्रदेश संयोजक) : डा. निरजकुमार सिहं
३. उपाध्यक्ष (बाग्मती प्रदेश संयोजक) : डा. प्रकाश बुढाथोकी
४. उपाध्यक्ष ( गण्डकी प्रदेश संयोजक) : डा. राजन शर्मा
५. उपाध्यक्ष ( सुदूरपश्चिम प्रदेश संयोजक) : डा. प्रशान्त भट्ट
६. महासचिव : डा. सञ्जिव तिवारी
७. सदस्य : डा. अमित रन्जन मिश्र
८. सदस्य : डा. किशोर खत्री
९. सदस्य : डा. मनोर दिन सैयद
१०. सदस्य : डा. सिर्जना बिष्ट
११. सदस्य : डा. तेज्सु सिंह मल्ल
१२. सदस्य : डा. योभेन कुमार यादव

पेशागत समावेशी समूहका उम्मेदवारहरु :
१. अध्यक्ष : डा. सन्तोष पौडेल
२. उपाध्यक्ष (मधेश प्रदेश संयोजक) : डा. महेश महासेठ
३. उपाध्यक्ष (बाग्मती प्रदेश संयोजक) : डा. सन्जय ठाकुर
४. उपाध्यक्ष ( गण्डकी प्रदेश संयोजक) : डा. विकाश गौचन
५. उपाध्यक्ष ( सुदूरपश्चिम प्रदेश संयोजक) : डा. निरज अर्याल
६. महासचिव : डा. रक्षा श्रेष्ठ
७. सदस्य : डा. अभियान गौतम
८. सदस्य : डा. रामकृष्ण आचार्य
९. सदस्य : डा. पदम नेपाली
१०. सदस्य : डा. रमेश श्रेष्ठ
११. सदस्य :डा. स्मृति महत
१२. डा. सुरेन्द्र यादव

स्वतन्त्र प्यानल :
१. अध्यक्ष : डा. शिवजी सिलवाल
२. उपाध्यक्ष (मधेश प्रदेश संयोजक): डा.अजय मिश्र
३. महासचिव : डा.अमृत भुसाल
४. सदस्य : डा. चेतन बस्नेत
५. सदस्य : डा. मोहम्मद अनमुल

निर्बिरोध निवार्चित भएका संघका पदाधिकारीहरु :
१. वरिष्ठ उपाध्यक्ष : डा. बद्री रिजाल
२. उपाध्यक्ष ( प्रदेश नम्बर १ संयोजक) : डा. बिपेश आचार्य
३ उपाध्यक्ष ( लुम्बिनी प्रदेश संयोजक) : डा. नन्दाकुमारी गुरुङ
४. उपाध्यक्ष (कर्णाली प्रदेश संयोजक) : डा. केशरबहादुर ढकाल
५. कोषाध्यक्ष : डा. प्रमोद जोशी
६. सहसचिव : डा. लिजन महर्जन
७. सहकोषाध्यक्ष : डा. विक्रान्त ढकाल