बाग्मती प्रदेशले पनि घोषणा गर्यो विपन्नका लागि ८०१ शैया नि:शुल्क

हेल्थ टुडे,
काभ्रेपलाञ्चोक, २४ साउन : बागमती प्रदेशले पनि आफू मातहतका प्रादेशिक अस्पतालका ८०१ जनरल बेड विपन्नका लागि नि:शुल्क गरेको छ । धुलिखेलका बुधबार आयोजित कार्यक्रममा बागमती प्रदेशका स्वास्थ्य मन्त्री उत्तम जोशीले प्रदेश मातहतका ८०१ शैया विपन्न विरामीका लागि नि:शुल्क गरेको घोषणा गरेका हुन । बाग्मती प्रदेशका स्थानिय निकायहरुका प्रमुख, उपप्रमुख, प्रमुख प्रशासकिय अधिकृत र स्वास्थ्य साखा प्रमुखहरुका लागि संघीय स्वास्थ्य तथा जनसंख्या मन्त्रालयले नेपाल जनसांख्यिक तथा स्वास्थ्य सर्वेक्षण, २०२२ को प्रदेश स्तरीय सार्वजनिकीकरण कार्यक्रम बाग्मती प्रदेशका स्वास्थ्य मन्त्रीले उक्त घोषणा गरेका हुन । स्वास्थ्य तथा जनसंख्या मन्त्री मोहनबहादुर बस्नेतले सुरु गरेको विपन्नका लागि नि:शुल्क गर्ने अभियान जनहितका लागि आवश्यक भएकाले बाग्मती प्रदेशले पनि सुरु गरेको मन्त्री जोशीले बताए । स्वास्थ्य मन्त्री बस्नेतले विपन्नका लागि सरकारी अस्पतालका शैया निुशल्क गर्ने अभियान सुरु गरेका छन् । जस अन्तरगत स्वास्थ्य मन्त्रालय मातहतका संघीय अस्पतालका ३ हजार ५ सय २३ शैया नि:शुल्क गराइसकेका छन् । मन्त्री बस्नेतले बाग्मती प्रदेशसँगै सबै प्रदेशले यो अभियानलाई अगाडि बढाउने विश्वास व्यक्त गरे ।