सुर्तीजन्य पदार्थ विरुद्धका अभियन्ता डा. तारासिंह बमलाई इन्डोनेसिया सरकारको सम्मान

हेल्थ टुडे,
काठमाडौँ, २२ जेठ : सुर्तीजन्य पदार्थ विरुद्धका अभियन्ता डा. तारासिंह बमलाई इन्डोनेसिया सरकारले सम्मानित गरेको छ । सुर्तीजन्य पदार्थ विरुद्धको अभियानमा लामो समयदेखि सक्रिय रहेर यस क्षेत्रमा उल्लेखनिय योगदान गरेको मूल्यांकन गर्दै इन्डोनेसियाले डा. बमलाई सम्मान गरेको हो ।
इन्डोनेसियाका स्वास्थ्य मन्त्री बुडी गुनाडी सादिकिनले डा. बमलाई एक समारोहबिच सम्मान पत्र मार्फत सम्मान गरेका हुन । इण्डोनेसिया लगायत दक्षिण पुर्वी एशियाली देशहरुमा सुर्तीजन्य पदार्थको नियन्त्रणमा डा. बम दुई दशक देखि सक्रिय छन् । एशिया प्रशान्त क्षेत्रका ठूला नगरहरुलाई सुर्तीजन्य पदार्थ नियन्त्रणका सवालमा जिम्मेवार बनाएर यो अभियानलाई अगाडि बढाउनमा डा. बमले ठूलो योगदान गरेका छन् । नेपालमा पनि सुर्तीजन्य पदार्थ नियन्त्रण तथा निगमनमा डा. बमको महत्पवूर्ण योगदान रहेको छ ।