फ्यानक्यान मधेश प्रदेशको अधिवेशन सम्पन्न, शिबजी यादवको अध्यक्षतमा नयाँ कार्यसमिति चयन

हेल्थ टुडे,
विरगन्ज, १ असार : नेपाल खाद्य, न्युट्रास्युटिकल तथा कस्मास्युटिकल संघ (फ्यानक्यान ) को मधेश प्रदेश अधिवेशन भव्यताका साथ विरगन्जमा सम्पन्न भएको छ । अधिवेशनले शिवजी यादवको अध्यक्षमा फ्यानक्यान मधेश प्रदेशको नयाँ कार्यसमिति चयन गरेको छ । निर्विरोध निर्वाचित भएका पदाधिकारीहरूमा वरिष्ठ उपाध्यक्षमा किशोरी प्रसाद शाह, उपाध्यक्षमा धर्मेन्द्र रजक, महासचिवमा राम अयोध्या यादव, सचिवमा आशिष श्रीवास्तव कोषाध्यक्षमा धीरेन्द्र प्रसाद यादव र सह–कोषाध्यक्षमा भूपेन्द्र विक्रम शाह चयन भएका छन् । त्यसैगरि सदस्यहरुमा रामबाबु यादव, अन्जनी कुमार शाह, अमरेश कुमार गुप्ता, रामायण पण्डित, प्रमोद कुमार शाह रहेका छन । निर्वाचित कार्यसमितिका पदाधिकारीहरुलाई फ्यानक्यानकाम केन्द्रीय अध्यक्ष सुरेन्द्र मानन्धरले पद तथा गोपनियताको सपथ खुवाएका थिए । कार्यक्रममा केद्रीय कार्य समितिका बरिष्ठ उपाध्यक्ष शंभु यादव, महासचिव गौरव श्रेष्ठ, सचिव गौरव वर्मा, कोषाध्यक्ष प्रदीप महतो र सदस्य विनायकराज पांडेको पनि उपस्थिति थियो । कार्यक्रमको प्रमुख अतिथि राकेशमनि त्रिपाठी थिए ।