जिएमपी पाएपछि पनेरु भन्छन्, ‘ छिट्टै ब्लड प्रेशर, कोलेस्ट्रोल र सुगरको औषधि ल्याउछौ ।’

कैलाश कुमार पनेरु,
नेपालमै एलोपेथिक औषधि उत्पादनको संभावना देखी औषधि उद्योग एवं यस क्षेत्रमा आवद्ध दक्ष जनशक्तिहरुको प्रेरणाको स्रोत र आधार भूमिको रुपमा स्थापित अग्रणी संस्था नेपाल औषधि लिमिटेडले WHO-GMP Guidelines अन्तर्गतको कुशल उत्पादन अभ्यास (GMP) मापदण्ड पूरा गरेको हुँदा औषधि व्यवस्था विभाग बाट GMP Certificate प्राप्त भएको व्यहोरा सबैलाई जानकारी गराउँदछु । विगत ५२ वर्षको दौरानमा दक्षिण एसियामै पहिलो पटक WHO Formula को आधारमा जीवनजल (ORS) उत्पादन शुरु गर्ने देखि जनजिब्रोमा लोकप्रीयता कायम गर्न सफल सिटामोल, एमजिट सहित १४० भन्दा बढी प्रकारका विभिन्न समूहका औषधि उत्पादन गरी इतिहास रचेको एक मात्र सरकारी उद्योग विघटनको संघार बाट जोगिँदै पूनः नयाँ शिराबाट आफ्नो विरासत कयम गर्ने पथमा अगाडि बढिरहेको समेत जानकारी गराउँदछु ।
यसै सन्दर्भमा GMP प्रमाणीकरणको लागि सहयोग गर्नुहुने लिमिटेडका अध्यक्ष सहित संचालकहरु, पूर्वमहाप्रवन्धकहरु, उद्योग, वाणिज्य तथा आपूर्ति मन्त्रालय, अर्थ मन्त्रालय, स्वास्थ्य तथा जनसंख्या मन्त्रालय, औषधि व्यवस्था विभाग सहित लिमिटेडका सम्पूर्ण कर्मचारीहरु प्रति हार्दिक आभार प्रकट गर्दै लिमिटेडको क्षमता विस्तार, गुणस्तर अनुपालन लगायतका विषयमा सहयोग गर्ने USAID/USP/PQM+, Turkish Cooperation and Coordination Agency (TiKA) तथा लिमिटेडका उत्पादन खरिद गर्ने तीनै तहका सरकारी निकायहरु, स्टकिष्टहरु एवं सम्पूर्ण शुभेच्छुकहरुमा धन्यवाद व्यक्त गर्दछु ।
यसै घडीमा आगामी दिनमा ब्लड प्रेशर, कोलेस्ट्रोल र सुगर सम्बन्धी औषधिहरु यहाँहरु सामु पस्कने योजना रहेको हुँदा थप सुदृढ सम्बन्ध सहित लिमिटेडको उत्तरोत्तर प्रगतिमा सबैको साथ र सहयोगको अपेक्षा गरेको छु ।
कैलाश कुमार पनेरु
(महाप्रवन्धक)
नेपाल औषधि लिमिटेड
बबरमहल, काठमाण्डौं