मेड आईक्यूले ल्यायो ‘हस्पिटल अपरेटिङ सिस्टम’ नामक आधुनिक सफ्टवेयर

हेल्थ टुडे
काठमाडौं, २० जेठ : विभिन्न अस्पतालहरुले विद्युतिय माध्यमबाट प्रदान गर्दै आइरहेको स्वास्थ्य सेवालाई अझ बढी छरितो र विश्वसनिय बनाउने उद्देश्यले मेड आईक्यू प्रालिले ‘हस्पिटल अपरेटिङ सिस्टम’ नामक अत्याधनिक सफ्टवेयर निर्माण गरेर बजारमा ल्याएको छ । नेपाल सरकारले विसं २०८१ सालमा जारी गरेको एकीकृत विद्युतीय चिकित्सा अभिलेख प्रणाली सञ्चालन तथा व्यवस्थापन निर्देशिका बमोजिम मेड आईक्यूले हेल्थ कन्सर्न नेपालको सहकार्यमा उक्त सफ्टवेयर तयार पारेको हो । ‘हस्पिटल अपरेटिङ सिस्टम’ सफ्टवेयरका विषयमा जानकारी गराउने उद्देश्यले कम्पनीले मंगलबार राजधानीमा आयोजना गरिएको पत्रकार सम्मेलनमा हेल्थ कन्सर्न नेपालका संस्थापक डा.सुवास प्याकुरेलले ‘हस्पिटल अपरेटिङ सिस्टम’ सफ्टवेयरले स्वास्थ्यकर्मीको समय बचत गर्ने, प्रयोगकर्ता मैत्री र विश्वसनिय भएको जानकारी गराउदै ठूला अस्पतालसँगै क्लिनिक, ल्याव, फार्मेसी , पालिका अस्पताल र सामुदायिक अस्पतालहरुका लागि निकै समेत यो सफ्टवेयर उपयोगी रहेको बताए ।
अहिलेको समयमा सुचना प्रविधिबाट कोही पनि भाग्ने नसक्ने बताउदै सुचना प्रविधिका क्षेत्रमा भएका नयाँ नयाँ प्रयोग मार्फत स्वास्थ्य सेवा सहज र छरितो बनाउन अस्पतालहरुलाई आग्रह गरे । कम्पनीकी प्रमुख कार्यक्रम अधिकृत सृष्टि पन्तले नेपालमा मात्र सिमित नरहेर बिदेशमा समेत बजार प्रवद्र्धन गर्ने उद्धेश्यले तयार पारिएको सफ्टवेयरले स्वास्थ्य संस्थाहरुलाई सूचना प्रविधि भएर छरितो र गुणस्तरीय सेवा प्रदान गर्ने जानकारी दिइन । हेल्थ कन्सर्नको सहकार्यमा यसको नेटवर्क आइटी कम्पनी मेड आइ क्यु प्रा लिले लामो खोज र अनुसन्धान गरि यसको बिकास गरेको पन्तले बताइन ।
पत्रकार सम्मेलनमा कम्पनीका जनसम्पर्क निर्देशक मिलनचन्द्र खनालले प्रविधिको विकाससँगै स्वास्थ्य संस्थाहरु पनि प्रविधि मैत्री भएर अगाडि बढ्नु पर्ने आवश्यकता माथि जोड दिए । कार्यक्रममा नयाँ सफ्टवेयर धेरै महंगो नभएको, प्रयोगकर्तालाई सिक्न धेरै समय नलाग्ने, सजिलै विरामीको सबै रेकर्ड राख्न मिल्ने जस्ता १० वटा फिचर भएकोे कम्पनीकी प्रमुख कार्यक्रम अधिकृत पन्तल जानकारी दिइन । मेड आईक्यूले यो भन्दा पहिले पनि अस्पतालहरुका लागि आवश्यक पर्ने सफ्टवेयर निर्माण गरेर बजारीकरण गरिसकेको छ । हस्पिटल अपरेटिङ सिस्टम नयाँ चुस्त, दुरुस्त र छिटो छरितो रुपमा स्वास्थ्य सेवा उपलब्ध गराउन तयार पारिएको सफ्टवेयर हो ।