कोटेश्वर क्याम्पसको आयोजनामा ब्रम्हखेलमा एक दिने नि : शुल्क स्वास्थ्य सिविर र रक्तदान सम्पन्न

हेल्थ टुडे,
काठमाडौं, २२ साउन : कोटेश्वर बहुमुखी क्याम्पस जडिबुटी र क्षेत्रिय उपत्यका यातायत व्यवस्थापन संस्थाको संयुक्त आयोजनामा कागेश्वरी मनोहरा नगरपालिकाको ब्रम्हखेल बसपार्कमा साउन २२ गते एक दिने नि:शुल्क स्वास्थ्य सिविर एवं रक्तदान कार्यक्रम सम्पन्न भएको छ । ब्लड डोनर्स एसोसिएसन नेपाल पुर्वि भेगिय क्षेत्र र शंकरापुर अस्पतालको सहकार्यमा सम्पन्न भएको स्वास्थ्य सिविर र रक्तदानमा सय जना भन्दा बढीले उपचार सेवा र रक्तदान गरेका थिए । ब्रम्हखेल बसपार्कका बस व्यवसायी, बस चालक, सहचालक र स्थानिसवासीलाई केन्द्रित गरेर स्वास्थ्य सिविर र रक्तदान कार्यक्रम आयोजना गरिएको हो ।

कार्यक्रमको उदघाटन सत्रमा बोल्दै कोटेश्वर बहुमुखी क्याम्पसका सहायक क्याम्पस प्रमुख मनोज अधिकारीले क्याम्पसले समुदायको स्वास्थ्यलाई ध्यानमा राखेर विभिन्न कार्यक्रम आयोजना गर्दै आइरहेको जानकारी दिदै स्वास्थ्य सिविर र रक्तदान कार्यक्रम पनि त्यसकै निरन्तरता भएको बताए । कोटेश्वर क्याम्पस सामुदायिक क्याम्पस भएकाले समुदायका हरेक गतिविधिसंग सहकार्य गरेर क्याम्पस अगाडि बढ्ने अधिकारीले बताए ।
कार्यक्रममा क्षेत्रिय उपत्यका यातायत व्यवस्थापन संस्थाका अध्यक्ष प्रकाश नेपालले सधै कामको चपेटामा हुने बस व्यवसायी, चालक र सहचालकहरुको स्वास्थ्यलाई मध्यनजर गरेर स्वास्थ्य सिविर सञ्चालन गरेको बताए । उनले सिविरमा स्वास्थ्य जाचका साथै आँखा जाचका लागि पनि वरिष्ठ नेत्र रोग विज्ञ सेवा प्रदान गरिएकोले सिविर लाभदायक भएको बताए ।

कार्यक्रममा ब्लड डोनर्स एसोसिएसन पुर्वि भेगिय क्षेत्रका अध्यक्ष रवि रिमाल, कोटेश्वर क्याम्पसका अनुसन्धान व्यवस्थापन ईकाइ प्रमुख सेदुनाथ ढकाल, समाजशास्त्र, ग्रामिण विकास र पत्रिकारिता विभाग प्रमुख कल्पना मरहट्ठा, प्रशासन प्रमुख न्हुच्छेलाल महर्जन र पत्रकारिताका उपप्राध्यापक पदमराज जोशीको पनि सक्रिय सहभागिता रहेको थियो ।
स्वास्थ्य सिविरमा शंकरापुर अस्पतालका वरिष्ठ नेत्र रोग विज्ञ डा.सुचित भण्डारी, एमडी मेडिसिन डा. सुरेश दाहाल, मेडिकल अधिकृत डा. सुरज दाहाल, तुलसी ढुंगाना, तुलसी चुडाल तथा स्टाफ नर्सहरु अनुस्का ढकाल र आरती शर्माले सेवा प्रदान गरेका थिए । कार्यक्रममा कोटेश्वर क्याम्पस स्नातक तहमा अध्ययनरत समाजिक अध्ययनका विद्यार्थीहरुले स्वयं सेवकको रुपमा काम गरेका थिए ।

कार्यक्रममा वडा कावा अध्यक्ष किरण पण्डित, स्वतन्त्र मजदुर संघका कोषाध्यक्ष जिवन बस्नेत लगायतका स्थानिसवासी र समाजसेवीले कोटेश्वर क्याम्पससँगको सहकार्य उपलब्धिमूलक भएको बताएका थिए ।