शहीद धर्मभक्त राष्ट्रिय प्रत्यारोपण केन्द्रको १४ औं वार्षिक उत्सव सम्पन्न

हेल्थ टुडे,
भक्तपुर, ११ बैसाख : शहीद धर्मभक्त राष्ट्रिय प्रत्यारोपण केन्द्रले आफ्नो स्थापनाको १४ औं वार्षिक उत्सव शुक्रबार भव्यताका साथ मनाएको छ । कार्यक्रममा बोल्दै केन्द्रका कार्यकारी निर्देशक डा कल्पना कुमारी श्रेष्ठले २०८२ बैशाख देखि २०८२ चैत्र मसान्त सम्म २१३ जनाको मृर्गौला र ३ जनाको कलेजो प्रत्यारोपण सफलताका साथ सम्पन्न गरेको जानकारी दिइन । केन्द्रमा कार्यरत सम्पूर्ण चिकित्सक, नर्स र कर्मचारीको निरन्तरको प्रतिवद्धता र योगदानबाट मात्र यो उपलब्धी संभव भएको डा. श्रेष्ठले बताइन । केन्द्रको नाममा एक इन्च पनि आफ्नो छुटै भवन उपयुक्त जग्गा नभएर थप सेवा दिन असहज भएको कुरा व्यक्त गर्दै डा. श्रेष्ठले केन्द्रको लागि जग्गा तथा भवनको लागि आवश्यक पहल गरिदिन सरकारसंग आग्रह गरिन ।
केन्द्रको वार्षिक उत्सवको अवसरमा केन्द्रमा मृगौला प्रत्यारोपण सर्जरी विषयमा एक वर्षे फेलोशिप कार्यक्रम सफलता पूर्वक सम्पन्न गरेका डा. विकास खड्कालाई प्रमाणपत्र वितरण गरिएको थियो ।
उक्त समाहरोहमा केन्द्रमा कार्यरत कर्मचारीहरु मध्ये २०८२ सालमा उत्कृष्ट सेवा गरे बापत डा निभा श्रेष्ठ, ल्याब टेक्निसियन प्रशान्त बासुकला, स्टाफ नर्स अनु शाही, खरिदार बालिका ढकाल र सवारी चालक बल राम पाँउ गरी ५ जना उत्कृष्ट कर्मचारी घोषित भएका थिए भने नर्सिङ्ग इन्चार्ज एलिसा श्रेष्ठलाई नगद पुरस्कार र सम्ममान पत्र सहित सर्वोत्कृष्ट कर्मचारी पुरस्कार प्रदान गरिएको थियो ।
कार्यक्रममा मानब अंग प्रत्यारोपण केन्द्र विकास समितिका अध्यक्ष डा. केशर बहादुर ढकालले केन्द्रमा कार्यरत सम्पुर्ण कर्मचारीहरुले विरामीको उपचारमा पु¥याउनु भएको सेवा र सहयोगको उच्च सम्मान व्यक्त गर्दै केन्द्रको विकासका लागि आफू निरन्तर सकरात्मक रहेको बताए ।