हेल्थ टुडे
त्रिवि चिकित्साशास्त्र अध्ययन संस्थान (आईओएम) ले रद्द गरिएको एमबिबिएसको प्रवेश परीक्षा मंसिर १६ गते गर्ने निर्णय गरेको छ । गत असोजमा लिइएको प्रवेश परीक्षामा डिभाइसको प्रयोग गरि चिट चोरेको पुष्टि भएपछि उक्त परीक्षा रद्द गरि अर्को पटक परीक्षा संचालन गर्ने डिनको कार्यालयले गरेको हो ।
प्रवेश परीक्षामा डिभाइसको प्रयोग गरि चिट चोरिएको कुरा सार्वजनिक भएपछि सो कार्यमा संलग्न दुई जना भारतीय सहित १४ जनालाई प्रहरीले पक्राउ गरेको थियो । पक्राउ परेका मध्ये दुई जना भारतीयलाई जेल चलान गरिएको छ भने बाकी १२ जनालाई धरौटीमा छोडेको छ । परीक्षामा भएको अनियमितता छानविन गर्न गठित समितिले इलेक्ट्रोनिक डिभाइसको माध्यमबाट चिट चोरी भएको पुष्टि गरेपछि त्रिवि कार्यकारीले चिकित्साशास्त्र अध्ययन संस्थानलाई आवश्यक निर्णय लिन अधिकार दिएको थियो ।
त्यसपछि आईतबार नै डीनको कार्यालयले उक्त प्रवेश परीक्षा रद्द भएको जानकारी गराउदै अर्को प्रवेश परीक्षाको मिति चाडै सार्वजनिक गर्ने बताएको थियो । अब हुने प्रवेश परीक्षामा कुनै पनि किसिमको अनियमितता हुन नपाओुस भनेर गृह कार्यका साथ परीक्षा सञ्चालनको तयारी अगाडि बढाइएको आईओएमका डीन प्रा. जगदीशप्रसाद अग्रवालले बताए । गत असोजमा ६२५ सिटका लागि भएको एमबिएिस प्रवेश परीक्षामा ८ हजार ८ सय २७ जना सहभागी भएका थिए ।
Leave a Reply