हेल्थ टुडे
काठमाडौं, ९ मंसिर : बंगालादेशका लागि नेपाली राजदूत डा. चोपलाल भूसालले त्यहाँका मेडिकल कलेजहरुमा अध्ययनरत् नेपाली विद्यार्थी मध्ये करिव २ सय जना गैरकानूनी रुपमा खोलिएका मेडिकल कलेजहरुमा मेडिकल पढिरहेको पत्ता लगाएका छन् ।
डा. भुसाल त्रिवि शिक्षण अस्पतालमा इएनटी विशेषज्ञ एवं प्राध्यापक थिए । नेपाल चिकित्सक संघको पूर्व अध्यक्ष र नेपाल मेडिकल काउन्सिलको पुर्व सदस्य भएको अनुभवले डा.भुसाललाई त्यहाँ गैरकानूनी मेडिकल कलेज र त्यहाँ पढिरहेका नेपाली विद्यार्थीको बारेमा पत्ता लगायन सजिलो भएको हो । राजदूत भुसालले यो कुराको जानकारी नेपाल मेडिकल काउन्सिललाई गराएपछि मात्र काउन्सिलले मेडिकल अध्ययन गर्न तत्कालका लागि बंगालादेश रोक लगाउने निर्णय गरेको हो । नेपाल लगायत दक्षिण एशियाका मुलुकबाट एमविविएस पढ्न आउने विद्यार्थीहरुका लागि बंगलादेशमा केही गैरकानूनी तरीकाले स्थापना भएका मेडिकल कलेज स्थापना गरिएका छन् । नेपालका मेडिकल कलेजमा मेरिटमा नाम निकाल्न नसक्ने तर डाक्टर बन्न चाहनेहरुको रोजाई बंगालादेश हुने गरेको छ ।
काठमाडौंमा खुलेका कन्सल्टेन्सीहरुले दलालको काम गरेर ती विद्यार्थीलाई सस्तो मेडिकल शिक्षाको सपना देखाएर यस किसिमका गैरकानूनी मेडिकल कलेजहरुमा भर्ना गरिदिने गरेको पाइएको बंगालादेशस्थित नेपाली राजदुतावास स्रोतले जनाएको छ । नेपाल भन्दा सस्तोमा पढ्न पनि पाइने र प्रवेश परीक्षामा ५० अंक पार गरेपछि हुने भएकाले धेरै विद्यार्थीहरुले विकल्पको रुपमा बंगलादेश रोज्ने गरेको पाइएको छ । अहिले बंगालादेशमा एमविविएस र एमडी पढिरहेको गरी करिव २ सय विद्यार्थी गैरकानूनी रुपमा स्थापना भएका मेडिकल कलेजहरुमा पढिरहेको पाइएको छ ।
बंगालादेशका विभिन्न अवैधानिक मेडिकल लेजहरुमा करिव २ सय जना नेपाली विद्यार्थी पढिरहेको जानकारी बंगलादेशस्थित नेपाली राजदुतावासले नेपाल मेडिकल काउन्सिललाई गराएपछि काउन्सिलले बुधबारदेखि अर्को निर्णय नभएसम्मका लागि बंगालादेशमा मेडिकल पढ्न रोक लगाएको जनाएको छ ।
Leave a Reply