यसरी गर्दैछिन् मनिषाले प्राकृतिक चिकित्सामा लगानी 

हेल्थ टुडे

काठमाडौं : अभिनेत्री मनिषा कोइरालाले नेपालमा प्राकृतिक चिकित्साको ठूलो संभावना भएकाले यसको विकास गर्न आफू लाग्ने बताएकी छन् । निकट भविश्यमा प्राकृतिक चिकित्सामा लागनी गर्ने उनले योजना बनाएकी छन् । हालै राजधानीमा केही प्राकृतिक चिकित्सक र विज्ञहरुसँगको भेटमा मनिषाले आफू यस क्षेत्रमा लगानी गर्न तयार रहेको बताएकी हुन् । मनिषा पछिल्ला वर्ष क्यान्सर सम्बन्धि जनचेतना जगाउदै आइरहेकी छन । चार वर्ष पहिले उनलाई क्यान्सर देखिएपछि उनी स्वास्थ्य अभियानमा बढी सक्रिय हुन थालेकी हुन् । आफूले क्यान्सरलाई जितेपछि बाकी जिवनको केही अंश क्यान्सर प्रभावित र पिडितको सहयोगमा लगाउने उनले उद्घोष गरेकी छन् । नेपालमा प्राकृतिक चिकित्सामा उनले लगानी गर्ने बताए पनि त्यसको मोडालिटि के हुने? उत्पादनमा लगानी गर्ने वा औषधालय ? कति लगानी गर्ने ? कति समयभित्र ? लगायतका बिषयमा उनले खुलाएकी छैनन् । यस बिषयमा गृह कार्य भइरहेको उनले सुनाएकी छन् । क्यान्सर उपचार पछि आफूले प्राकृतिक चिकित्सा प्रणाली अपनाएर स्वस्थ्य भएको अनुभव सुनाउदै प्राकृतिक चिकित्सालाई माथि उठाउन सरकारले पनि योजना ल्याउनु पर्ने उनले बताएकी छन् । केही दिन पहिले उनी नवलपरासीको रजहरको प्राकृतिक चिकित्सालयको अवलोकन पनि गरेकी थिइन ।