बेलायतमा उपचार गरि ६ महिनापछि फर्के डा. देवकोटा

हेल्थ टुडे,

काठमाडौं, १७ बैसाख : वरिष्ठ न्यूरो सर्जन डा. उपेन्द्र देवकोटा ६ महिना बेलायतका उपचार गराएर स्वदेश फर्केका छन् । श्रीमति डा. मधु देवकोटा सहित उनी आईतबार स्वदेश फर्केका हुन । स्वास्थ्य जाचका क्रममा पित्त थैलीमा समस्या देखिएपछि उनलाई थप उपचारका लागि ६ महिना पहिले बेलायत लगिएको थियो । डा. देवकोटाको  किङ्स कलेज हस्पिटलमा उपचार भएको हो ।

डा. देवकोटाको स्वास्थ्य अवस्थाका बिषयमा बिस्तृत जानकारी नदिइए पनि उनको स्वास्थ्य सुधारोन्मुख रहेको पारिवारिक श्रोतले जनाएको छ । डा. मधुले भनिन, ‘उहाँको स्वास्थ्य अवस्था सुधारोन्मुख छ ।’ डा. देवकोटाकी कान्छी छोरी अध्ययनका क्रममा बेलायतमै रहेकाले र डा. देवकोटाले लामो समय अध्ययनका साथै काम पनि बेलायतमै गरेकाले उनलाई थप उपचारका लागि बेलायत लगिएको थियो । ६३ वर्षिय डा. देवकोटाले न्यूरो सम्बन्धि उच्च शिक्षा बेलायतको अल्किन्सन मोर्ले हस्पिटलबाट लिएका हुन् । दक्षिण एशियामा मात्र नभएर बेलायतमा समेत डा. देवकोटा सफल न्यूरोसर्जनका रुपमा चिनिएका छन् ।