डा. केसीको समर्थनमा माइतीघरमा प्रर्दशन

हेल्थ टुडे,
काठमाडौं, ३ साउनः विगत २० दिन देखी जुम्लामा अनसनरत डा. गोविन्द केसीका मागप्रति ऐक्यबद्धता जनाउँदै आज राजधानीको माइतीघर मण्डलादेखि नयाँ वानेश्वरसम्म प्रदर्शन गरिएको छ । माइतीघर मण्डलाबाट सुरु भएको प्रदर्शन नयाँ वानेश्वर पुगेर कोणसभामा परिणत भएको थियो ।
प्रदर्शनमा डा. गोविन्द केसीका माग तत्काल पूरा गर, न्यायिक जाँचबुझ आयोगले दोषी ठहराएका त्रिवि उपकुलपति लगायत सम्पूर्ण दोषीलाई कार्वाही गर, माफियामुखी ऐन चाहिदैन, ओली सरकार कस्तो, श्री ३ जस्तो लगायतका नारा लगाउदै प्रर्दशन गरेका हुन । प्रर्दशनमा केसी समर्थक चिकित्सक, विद्यार्थी, विभिन्न संघसंस्थाका प्रतिनिधी, लगायत सर्वसाधारणको समेत बाक्लो उपस्थिति थियो ।