जानीराखौं रक्तदान सम्बन्धी केही तथ्य

काठमाडौं, २० साउनः रक्तदान जीवन दान भन्ने गरिन्छ । के तपाईलाई रक्तदान सम्बन्धी केही तथ्य थाहा छन? छैन भने जानी राखौं–
१. विश्वभर बर्षेनि करिब १ अर्ब १२ करोड युनिट रगत रक्तदान मार्फत् रगत संकलन हुन्छ ।
२. अमेरिकामा बर्षेनि १ करोड ३६लाख युनिट होल ब्लड र रेड ब्लड सेल संकलन हुन्छ ।
३. विश्व स्वास्थ्य संगठनका अनुसार भारतमा प्रत्येक वर्ष २० लाख युनिट रगत अभाव हुन्छ र भारतमा कुल जनसंख्याको १ प्रतिशतले मात्र रक्तदान गर्छन् ।
४. अमेरिकामा हरेक दिन रेड ब्लड सेल ३६ हजार युनिट, प्लेटलेट ७ हजार युनिट र प्लाज्मा ७ हजार युनिट आवश्यक पर्छ ।
५. मानिसको सबैभन्दा पहिले पत्ता लागेको रक्त समुह ए, बी, एबी र ओ थियो, जसलाई डा. कार्ल ल्यान्डस्टीनरले सन् १९०१ मा पत्ता लगाएका थिए ।
६. एबी पोजिटिभ रक्त समुहलाई युनिभर्सल प्रापक मानिछ । यो समुहमा मानिसले कुनै पनि रक्तसमुहको रगत लिन सक्छन् ।
७. ओ नेगेटेभिलाई भने युुनिभर्सल डोनर मानिन्छ । यो समुहको रगत भएको मानिसले कुनै पनि रक्त समुहका मानिसका लागि रगत दिन सक्छन् ।
८. झिकिएको प्लेटलेट्स ५ दिनभित्र र रेड ब्लड सेलहरु भने ४२ दिनभित्र प्रयोग गरिसक्नुपर्छ ।
९. संकलन गरिएका सबै रगतको एचआइभी, हेपाटाइटिस बी, हेपाटाइटिस सी सिफलिसको परीक्षण गरिन्छ ।
१०. रगतलाई विभिन्न खालका शल्यक्रियामा प्रयोग गरिन्छ । न्युन आय भएका देशमा प्रसुतिका बेला, बालबालिकालाई हुने मलेरिया, दुर्घटनाहरुमा रगत प्रयोग गरिन्छ ।
११. अमेरिकामा हरेक वर्ष १ हजार शिशुहरु रगत सम्बन्धी सिकलसेल एनिमियाबाट प्रभावित भएर जन्मन्छन् । तिनीहरुलाई जीवनकाल भरि नै रगत दिनुपर्ने हुन्छ ।
१२. प्लाज्मा र क्राइओप्रीसीपिटेटेलाई चिसो अवस्थामा संकलन गरेर एक वर्षसम्म प्रयोग गर्न सकिन्छ ।
१३. धनी देशबाट ४७ प्रतिशत रक्तदान संकलन हुन्छ ।
एजेन्सी