केमशनको १४ औं स्थापना दिवसमा बाग्मती सफाई

हेल्थ टुडे,

काठमाडौं, २० असोज : केमिकल एण्ड मेडिकल सप्लायर्स एसोसिएसन अफ नेपाल ( केमशन) ले बाग्मती सफाई अभियानमा सहभागी भएर शनिबार आफ्नो १४ औं स्थापना दिवस मनाएको छ । अधिकार सम्पन्न बाग्मती सभ्याता एकिकृत विकास समितिसँगको सहकार्यमा केमशनले शंखमुलस्थित शंखमुल पुल वरिपरीको भागको सफाई गरेको हो । केमशनका दर्जनौ सदस्यहरुले २ घण्टा सरसफाईमा खर्चेका थिए । त्यसैगरि केमशनका देश भरिका साखाहरुले पनि रक्तदान, सरसफाई,उपचारात्मक सेवा, फलफूल बितरण सहितका समाजिक कार्य गर्दै स्थापना दिवस मनाएका छन् । केमशनका अध्यक्ष सुरेश घिमिरेले व्यवसायसँगै समाजसेवामा पनि केमशनले आफुलाई संलग्न गराउदै गइरहेको बताए । केमशनका सदस्यहरुले स्वास्थ्यसंग प्रत्यक्ष सरोकार राख्ने केमिकल र मेडिकल सर्जिकल उपकरण उपलब्ध गराउदै आइरहेका छन् । केमशनदे हरेक वर्ष असोज २० लाई आफ्नो स्थापना दिवस मनाउदै आएको छ ।