काठमाडौ,२० फागुन । सरकारले कर्मचारी समायोजन विधेयकबिरुद्ध आन्दोलनमा रहेका सरकारी चिकित्सकका माग सम्बोधन गर्न एक्सन कमिटी बनाएको छ ।
आइतबार सङ्घीय मामिला मन्त्रालयका सचिव दिनेश थपलियाको उपस्थितिमा बसेको बैठकले सरकारी चिकित्सक संघ(गोदान) का माग सम्बोधन गर्न एक्सन कमिटी बनाउने निर्णय गरेको हो ।
समितिमा संघीय मामिला मन्त्रालयबाट सचिव थपिलया र भुपाल बराल, स्वास्थ्य मन्त्रालयबाट डा. विकास देवकोटा, जनार्दन गुरागाईं , महेन्द्र श्रेष्ठ र गोदानका प्रतिनिधि रहेका छन्।
उक्त एक्सन कमिटीले गोदानले उठाएका माग सम्बोधन गर्न मंगलबार स्वास्थ्य मन्त्रालय,संघीय मन्त्रालय र गोदानका प्रतिनिधिबीच छलफल गरेर सम्झौताका लागि मस्यौदा बनाउने जनाइएको छ ।
प्रधानमन्त्री केपी शर्मा ओलीले गोदानले उठाएका माग सम्बोधन गर्ने आश्वासन दिएपछि आकस्मिक बाहेकका सम्पूर्ण स्वास्थ्य सेवा बहिस्कार गर्ने लगायतका विरोधका कार्यक्रम फिर्ता लिएपनि विधेयकको मस्यौदा बनेसँग आन्दोलनका सांकेतिक कार्यक्रम भने जारी राख्ने गोदानले जनाएको छ ।
कर्मचारी समायोजन विधेयक संशोधन गरी सरकार र आफुहरुबीच भएको पूर्वसहमति कार्यान्वयन गर्न माग गर्दे गोदानले आकस्मिक बाहेकका स्वास्थ्य सेवा बहिस्कार गरेको थियो ।
Leave a Reply