विषालु च्याउ खाँदा सल्यानमा १२ जना बिरामी, २ को अवस्था गम्भीर

हेल्थ टुडे,
सल्यान,१० साउनः विषालु च्याउ खाएर सल्यान जिल्लामा १२ जना बिरामी परेका छन् । बिरामी मध्ये उपचार गराई रहेका २ जनाको अवस्था गम्भिर छ । जिल्ला अस्पताल सल्यानका अनुसार पछिल्लो १५ दिनमा विषालु च्याउ खाएर बिरामी भएका १२ जनाको उपचार भईरहेको छ ।

साउन ४ गते च्याउ खाएर बेहोस अवस्थामा आएका बागचौर नगरपालिका–४ पेदीखोलाका टोपबहादुर बस्नेत र साउन ९ गते बनगाडकुपिण्डे नगरपालिका–९ जैतपानीका खिमबहादुर बुढाथोकीलाई थप उपचारका लागि नेपालगन्ज रिफर गरेको अस्पतालले जनाएको छ ।

च्याउ खाएर बिरामी भएकालाई उपचारमा ल्याउनुअघि चुक, दही तथा अन्य घरेलु खानेकुरा खुवाउने गरेको पाइएको भन्दै उनले त्यसो नगर्न चिकित्सकले सुझाव दिएका छन् । बेहोस मान्छेलाई चुक तथा दही खुवाउँदा फोक्सोमा गएरर असर गर्ने भएकाले सचेत बनेर तत्काल स्वास्थ्य संस्था ल्याउन चिकित्सकले आग्रह गरेका छन् ।