हेल्थ टुडे,
काठमाडौ,१० साउनः बरिष्ठ मुटुरोग विशेषज्ञ डा. भगवान कोइरालाको नेतृत्वमा रहेको काठमाडौं इन्स्टिच्युट अफ चाइल्ड हेल्थ (किओच) स्थापना गर्नका लागि सरकारले ४१ रोपनी जग्गा उपब्लध गराउने भएको छ। साउन ६ गते बसेको मन्त्रिपरिषद्को बैठकले काठमाडौं इन्स्टिच्युट अफ चाइल्ड हेल्थलाई ४१ रोपनी १० आना ३ पैसा लिजमा उपलब्ध गराउने निर्णय गरेको सरकारका प्रवक्ता गोकुल बास्कोटाले जानकारी दिए ।
उक्त जग्गा साविक खड्का भद्रकाली गाविस वडा नंं ७ कित्ता नं. ७३ हाल बुढानिलकण्ठ नगरपालिका वडा नं. ७ हेपाली हाइटमा कित्ता नं. २३ को उपलव्ध गराउने निर्णय सरकारले गरेको हो । डा.कोइराला नेतृत्वको टिमले काठमाडौँमा १०० सैय्या सहित सातवटै प्रदेशमा ५० सैय्या क्षमताको विशेषज्ञ सेवा सहितको विशिष्ठीकृत बाल अस्पताल खोल्ने तयारी गरेको छ ।
उक्त परियोजना काठमाडौँ भित्र आगामी दुई बर्ष र प्रदेशमा ३ बर्ष भित्रमा सम्पन्न हुने बताइएको छ । प्राडा कोइराला अध्यक्ष रहेको किओचमा दीपकराज सापकोटा, गोविन्दप्रसाद अधिकारी, बीरेन्द्रबहादुर बस्नेत, डा जोतिन्द्र शर्मा, भुवन दाहाल र भवानी राणा सदस्य रहेका छन् ।
Leave a Reply