डा. शशांकको स्वास्थ्य अवस्था स्थिर

मंगलबार राती अचानक स्वास्थ्यमा समस्या देखिएपछि ओम अस्पताल भर्ना गरिएका नेपाली कांग्रेसका महामन्त्री डा. शशांक कोइरालाको स्वास्थ्य अवस्था स्थिर रहेको उपचारमा संलग्न चिकित्सकहरुले बताएका छन् । डा.कोइरालालाई भेन्टिलेटरमा राखेर उपचार भइरहेको छ ।
ओम हस्पिटलका निर्देशक डा.हरिकिशोर श्रेष्ठले कोइरालाको स्वास्थ्य अवस्था स्थिर रहेको र क्रमिक सुधार आउने आशा गरिएको बताए । उनले भने, ‘सेचुरेसन ९६ छ । यो सुधार हुने लक्षण हो । ’कोइरालाको स्वास्थ्य अवस्थामा सुधार आएपछि उनलाई थप उपचारका लागि विदेश लैजाने वा यही राखेर उपचार गर्ने बिषयमा वरिष्ठ चिकित्सकहरुले निर्णय गर्ने छन् । डा. कोइराला अस्पताल भर्ना भएको खवर पाएपछि नेपाली कांग्रेसका नेता, कार्यक्रर्ता र सुवेच्छुकहरु ओम अस्पताल पुगेका छन । कोइरालालाई समान्य निमोनियाको समस्या पहिले पनि देखिएको थियो ।