यौन भावना लुकाउनु राम्रो होईन

हेल्थ टुडे,

यौनव्यवहार र यौनभावना दुई भिन्दाभिन्दै तत्वहरु हुन । यौनभावना व्यक्तिमा निर्भर हुन्छ भने यौनव्यवहार सामाजिक मुल्य र मान्यतामा निर्भर गर्दछ । नेपालको सन्दर्भमा यौन व्यवहारलाई विवाहपछि स्वीकृति दिइएको छ भने यौनभावना भने रोदीघरमा गाईने गीतहरुमा दोहोरी खेल्दा प्रयोग समेत हुने शब्दहरुबाट जनमानस सम्म पुग्ने गरेको छ जुन सामाजिक मुल्य र मान्यता भित्रै बसेर गरिएको हुन्छ । यसै गरी अप्रत्यक्ष रुपमा केटा र केटीहरुले गर्ने शृंगार सामाग्रीको प्रयोग पनि यौनचाहना दर्शाउने माध्यम नै हो । उमेर बढ्दै जाँदा र यौन इच्छा कम हुँदै जाँदा आफुलाई आकर्षक राख्ने चाहना पनि कम हँुदै जान्छ ।
किशोरावस्थामा विपरीत लिंगीप्रति आकर्षित हुने तथा यौनसम्पर्क गर्ने चाहना हुन सक्दछ जुन प्राकृतिक नै हुन । किनकि मानिस जन्मजात नै यौनिक हुन्छ । तर हाम्रो समाज र संस्कृतिले गर्दा यसको प्रकट गर्ने तरिका फरकफरक हुन्छ । यौन चाहनालाई प्रकट गर्ने यौनसम्बन्धी कुरा गर्नु लाजको कुरा भनेर कुनै समाजमा व्यमख्या गरेको पाइन्छ ।
यौन चाहनालाई पुरा गर्न यौन सम्पर्क नै गर्नुपर्छ भन्ने छैन । अरु कार्यहरु जस्तै हस्तमैथुन गरेर पनि यौन चाहनालाई पुरा गर्न सकिन्छ ।