पूर्व स्वास्थ्य मन्त्रीले हराए डाक्टरलाई (हेर्नुहोस भिडियो सहित)

हेल्थ टुडे

काठमाडौं, २३ मंसिर : पूर्व स्वास्थ्य मन्त्री एवं नेपाली कांग्रेसका चर्चित युवा नेता गगन थापा काठमाडौं क्षेत्र नम्बर ४ बाट प्रतिनिधि सभा सदस्यमा विजयी भएका छन् । थापाले एमालेका डा. राजन भट्टराईलाई ३ हजार ४ सय ११ मतले पछि पार्दै जित हासिल गरेका हुन् । निर्वाचन आयोगका अनुसार पूर्व स्वास्थ्य मन्त्री थापाले २१ हजार ५ सय ५१ मत ल्याएकन छन् भने डा. भट्टराईले १८ हजार १ सय ४० मत पाएका छन् । डा. भट्टराई मेडिकल डाक्टर भने होइनन् । उनी पिएचडी डाक्टर हुन । नेकपा एमालेका विदेश विभागका सदस्य हुन् ।

थापाले यस अगाडिको संविधान सभाको दोश्रो निर्वाचन २०७० मा पनि यही क्षेत्रबाट नन्दबहादुर पुनलाई हटाउदै भारी मनान्तरले बिजयी भएका थिए । नेपाली कांग्रेस र एमाओवादी मिलेर बनेको प्रचण्ड नेतृत्वको संयुक्त सरकारमा थापा स्वास्थ्य मन्त्री बनेका थिए । खरो बोल्ने मात्र नभएर उनले आफूलाई विकास निर्माणका काममा पनि स्वास्थ्य मन्त्री भएर खसो रुपमै नै प्रस्तुत गरेका थिए । स्वास्थ्य विमा कार्यक्रम, मिर्गौला प्रत्यारोपण निशुल्क, वर्षौदेखि अड्किएर बसेका स्वास्थ्यका ऐनहरु संसदबाट पारित गरेर नेपालको स्वास्थ्य सेवा सुधारमा उनले उल्लेखनिय भूमिका निर्वाह गरेका थिए छोटो समयमा । यो निर्वाचनमा उम्मेदवार रहेका नौ जना पूर्व स्वास्थ्य मन्त्री र बहालबाला स्वास्थ्य मन्त्रीहरु मध्ये पूर्व स्वास्थ्य मन्त्रीहरु राजेन्द्र महतो, गिरिराजमणी पोखरेल, उमाकान्त चौधरी मत गणनामा अगाडि देखिएका छन् भने वर्तमान स्वास्थ्य मन्त्री दीपक बोहोरा पछाडि देखिएका छन् ।