के ट्रम्पलाई मानसिक समस्या छ ?

वासिङ्टन (बीबीसी)  :अमेरिकी राष्ट्रपति डोनाल्ड ट्रम्पकोह्वाइटहाउस यात्राबारे पत्रकार माइकल वोल्फले लेखेको पुस्तकमा समावेश विवरण र त्यसबारे प्रतिक्रियापछि उनको ‘मानसिक अवस्था’ बारे विभिन्न टीकाटिप्पणी भइरहेका छन् । ट्रम्पका विपक्षीहरूले पहिल्यैदेखि नै उनी राष्ट्रपतिका लागि मानसिक रूपमा उपयुक्त नभएको बताउँदै आएका थिए । तर दुई दिन अगाडि सार्वजनिक भएको वोल्फको पुस्तकसँगै यसबारेका पोस्टले सामाजिक सञ्जालमा बहस तातेको छ । बीबीसीले व्यक्तिगत स्वभाव, कडा मिजास र वाक शैलीका कारण विगतका राष्ट्रपतीय कार्यकालमा भन्दा केही राजनीति परिवर्तन भएको जनाएको छ । तर यिनै विशेषताका कारण उनका आलोचकलाई उनको मानसिक अवस्थाबारे थप प्रश्न खडा गर्ने मौका मिलेको छ ।

वोल्फले ‘फायर एन्ड फयुरी स् इन्साइड दि ट्रम्प ह्वाइटहाउस’ नामक पुस्तकमा ट्रम्पले कतिपय विषय दोर्होयाइरहने उल्लेख गरेका छन् । यसको कारण स्मरणशक्तिको ह्रास भएको आशंका गरिएको छ । ट्रम्पको यस्तो बानी ‘डिमेन्सिया’ को लक्षण हो । विश्व स्वास्थ्य संगठनका अनुसार उक्त रोगबाट ६० वर्षमाथिका ५ देखि ८ प्रतिशत मानिस पीडित छन् । अमेरिकी राष्ट्रपति ७१ वर्षका छन् । कतिपय मनोवैज्ञानिकहरूले ट्रम्पको व्यवहारमा उक्त लक्षणहरू देखिँदै गएको आशंका गरेका थिए । यसबारे कपितप पुस्तकहरू पहिल्यै नै बजारमा उलपब्ध छन् । बन्डी एक्स लीको ‘द डेन्जरस केस अफ डोनाल्ड ट्रम्प’, एलेन फ्रान्सेसको ‘ट्वीलाइट अफ अमेरिकन स्यानिटी’ र कुर्ट एन्डरसनको ‘फेन्टासिल्यान्ड’ केही उदाहरण हुन् । एल विश्वविद्यालयका मनोविज्ञानका प्राध्यापक लिले गतमहिना डेमोक्रयाट पार्टीका सिनेटरहरूसँग राष्ट्रपति ट्रम्पमा ‘मनोरोगीका लक्षण’ देखा पर्न थालेको बताएका थिए । तर कसैले पनि उनको अवस्थाबारे कानुन तथा नैतिक मर्यादाबारे प्रश्नभने उठाएका छैनन् ।

अमेरिकी संविधानको २५ औं संशोधनले यदि कुनै पनि राष्ट्रपतिले ‘आफ्नो कार्यक्षमता तथा कर्तव्य पूरा गर्न असमर्थ भए’ उप–राष्ट्रपतिले उक्त जिम्मेवारी बहन गर्ने व्यवस्था गरेको छ । यसअघि अब्राहम लिंकन पनि ‘डिप्रेसन’ को सिकार भएका थिए । सन् १९८१ देखि १९८९ सम्म अमेरिकी राष्ट्रपति बनेका रोनाल्ड रेगनले पाँच वर्षसम्म ‘अल्जाइमर’ रोगको उपचार गराएका थिए ।