बैतडीको सुर्नयामा वृहत निःशुल्क स्वास्थ्य सिविर हुने

हेल्थ टुडे

काठमाडौं, १६ माघ : बैतडीको सुर्नया गाउँपालिका वडा नम्बर–५ रौलेश्वरमा यही माघ २२ र २३ गते वृहत निःशुल्क स्वास्थ्य सिविर हुने भएको छ । रौलेश्वर पूर्व विद्यार्थी समाज, सुर्नया गाउँपालिका र शुक्रपथ फाउण्डेसन, काठमाडौको सहयोगमा रौलाकेदार निःशुल्क स्वास्थ्य सिविर हुन लागेको हो । ‘हाम्रो सुर्नया हाम्रो पहिचान, स्वास्थ्य र समृद्घि हाम्रो अभियान’ मूल नाराका साथ हुन लागेको उक्त निःशुल्क सिविरमा जनरल फिजिसियन, स्त्री तथा प्रसूति रोग, बालरोग, हाडजार्नी, नाक, कान, घाटी, दन्तरोग र समान्य ल्याव परिक्षण लगायतका सेवा उपलब्ध हुने सिविर संयोजक रिजन मडैले जानकारी दिएका छन् ।

स्वास्थ्य सिविर रौलेश्वर माविको रामकी बराइलमा हुनेछ । सिविरमा सम्बन्धित बिषयका विशेषज्ञ चिकित्सक र स्वास्थ्यकर्मीले स्वास्थ्य जाच गर्ने छन् । सिविरको तयारी अन्तिम अवस्थामा पुगेको आयोजकले जनाएको छ । ग्रामिण क्षेत्रका वासिन्दालाई विभिन्न रोगको संक्रमण भए पनि विशेषज्ञ उपचार सेवाको अभावमा रोग लुकाएर बस्नु परेको अवस्थालाई केही हदसम्म कम गर्न सिविर फलदायी हुने मडैले बताए । सिविरबाट स्वास्थ्य परिक्षण सहित लाभ लिन आयोजकले सुर्नयाका वासिन्दालाई आव्हान गरेको छ ।