ब्लड बैंक फेरि प्रदर्शनीमार्गको पुरानै ठाँउमा बन्ने

हेल्थ टुडे,
काठमाडौं,१७ फाल्गुन : ब्लड बैंक फेरि प्रदर्शनीमार्गको पुरानै ठाँउमा बन्ने भएको छ । २०७२ बैशाख १२ को भुकम्पले भवन भत्काए पछि नेपाल रेडक्रसले सञ्चालन गरेको देशकै सबैभन्दा ठूलो ब्लड बैंक प्रदर्शनीमार्गमा बन्द भएको थियो । ब्लड बैंकको सेवालाई निरन्तरता दिन रेडक्रसले बालकुमारीबाट ब्लड उपलब्ध गराउदै आएको छ । थाई रेडक्रसको आर्थिक तथा प्राविधिक सहयोगमा नेपाल रेडक्रसले पुरानै स्थान प्रदर्शनीमार्गमा ब्लड बैंक बनाउन लागेको हो ।उक्त भवनको फागुन १८ गते शिलान्यास हुने रेडक्रसले जानकारी दिएको छ । उपचार गराईरहेका विरामीलाई आवश्यक पर्ने रगत उपलब्ध गराउने काममा ब्लड बैंकले महत्वपूर्ण भूमिका खेलेको छ । काठमाडौंको केन्द्र मानिने प्रदर्शनीमार्गबाट ब्लड बैंकको सेवा बन्द हुदा हजारौ सेवाग्राही प्रभावित भएका थिए ।