ललितपुरकै अस्पतालमा उपकरणको कमी,प्रसूति सेवा लिने घटे

ललितपुर, ११ जेठः सेवा र जनशक्ति पर्याप्त नहुँदा गोदावरी–१० स्थित बज्रबाराही सामुदायिक अस्पतालमा प्रसूति सेवा लिन आउने महिलाको संख्या घटिदो क्रममा रहेको छ । अस्पतालमा सामान्य प्रसूति सेवा देखि शल्यक्रियासम्म हुँदा मात्रै सेवाग्राही आउने निमित्त कार्यक्रम निर्देशक गणेशराज श्रेष्ठले बताउनुहुन्छ ।
अस्पतालमा भवन भएपनि जटिल उपचारका लागि उपकरण छैन । नेपाल सरकारले लागू गरेको ‘आमा सुरक्षा कार्यक्रम’ लागू भएका ठाउँमा २४ घण्टे सेवा उपलब्ध हुनुपर्ने हो तर जनशक्तिको कमीले गर्दा सेवा दिन गाह्रो भएको श्रेष्ठले बताउनुहुन्छ । अस्पतालमा जम्मा सातजना मात्रै कर्मचारी छन् भने अस्पतालमा अहिले सामान्य बाहेक अरु सेवा छैन ।
प्रत्येक महिना १६÷१७ जनासम्म बिरामी सेवा लिन आइरहेका छन् । यो संख्या चार÷पाँच वर्ष पहिलेभन्दा कम हो । पहिले महिनामा ३५ जनासम्म महिलाले यहाँ प्रसूति सेवा लिएका थिए । सबै खालका सेवा आफूसँग नहुँदा जोखिम लिन नसकिने श्रेष्ठ बताउनुहुन्छ ।
श्रेष्ठका अनुसार भ्याकुम नै गरेर बच्चा निकाल्नु पर्दा पनि त्यहाँ उपकरण छैनन । जिल्ला अस्पतालको निर्णय भए पनि सीमित बाहेक कर्मचारी र स्रोत आइसकेको छैन ।
पहिले भएको एम्बुलेन्स समेत सञ्चालन गर्न नसक्दा त्यसको असर सबै खालका सेवासँगै प्रसूति सेवामा समेत परेको अस्पतालले जनाएको छ ।
रासस