जुम्ला,१३ फागुन । कर्णाली स्वास्थ्य विज्ञान प्रतिष्ठानको डीन पदमा प्रा डा रेशमबहादुर राना नियुक्त भएका छन् । प्रतिष्ठान ऐन, २०६८ अनुसार प्रतिष्ठानका उपकुलपति प्रा डा राजेन्द्रराज वाग्लेले प्रा डा रानालाई डीनमा नियुक्त गरेका हुन् ।
स्वास्थ्य सहायक पदबाट स्वास्थ्य सेवा शुरु गरेका प्रा डा रानाले चिकित्सा शिक्षाअन्तर्गत स्नातक, स्नाकोत्तर तथा विद्यावारिधि पूरा गरेका छन् ।
विभिन्न जिल्लामा स्वास्थ्य सेवा प्रदान गरेका प्रा डा रानाले वीर अस्पताल सेवा तथा चिकित्सा शिक्षा अध्ययन प्रतिष्ठान (न्याम्स) मा अध्यापन गराउँदै आएका थिए ।
यसअघि प्रतिष्ठानले प्रतिष्ठानअन्तर्गत स्त्रीरोग विभागको प्रमुखमा प्रा डा किरण रेग्मीलाई नियुक्ति गरेको थियो । प्रा डा रेग्मी स्वास्थ्य तथा जनसङ्ख्या मन्त्रालयको पूर्वसचिव हुन् ।
Leave a Reply