• गृहपृष्ठ
  • समाचार
  • अन्तर्वार्ता
  • बिशेषज्ञ लेख
  • परिवार स्वास्थ्य
  • मानसिक
  • यौन
  • उपचार बिधी
  • स्वास्थ्य विशेष
  • योग
  • पोषण
  • आयुर्वेद
Health Today Nepal
  • July 13th, 2025
Health Today Nepal
  • गृहपृष्ठ
  • समाचार
  • अन्तर्वार्ता
  • बिशेषज्ञ लेख
  • परिवार स्वास्थ्य
  • मानसिक
  • यौन
  • उपचार बिधी
  • स्वास्थ्य विशेष
  • योग
  • पोषण
  • आयुर्वेद
Home
समाचार

स्पेन संसारकै स्वस्थ मुलुक, नेपाल १ सय १० औं स्थानमा

March 2nd, 2019 समाचार 0 comments
Facebook Twitter Google+ LinkedIn Pinterest
स्पेन संसारकै स्वस्थ मुलुक, नेपाल १ सय १० औं स्थानमा

काठमाडौ,१८ फागुन । यूरोपियन मुलुक स्पेन संसारकै सबैभन्दा बढी स्वस्थ देश भएको पाइएको छ । संसारका १६९ देशका स्वास्थ्यसम्बन्धी विषयमा गरिएको मूल्याङ्कनमा स्पेन सबैभन्दा बढी स्वस्थ देश भएको पाइएको हो । स्पेनपछि इटाली दोस्रो सबैभन्दा स्वस्थ मुलुकका रूपमा अगाडि देखिएको छ । यी दुवै देशले आफ्ना मुलुकवासीका लागि प्रतिनागरिक तीन हजार ५०० डलर (चार लाख रुपियाँ) खर्च गर्छन् ।

‘ब्लुमबर्ग हेल्थियस्ट कन्ट्री इन्डेक्स’को २०१९ संस्करणका अनुसार स्पेन र इटालीपछि क्रमशः आइसल्यान्ड, जापान तथा स्वीट्जरल्यान्ड छन् । उक्त सूचीमा देशवासीको सम्पूर्ण स्वास्थ्यस्थितिका अतिरिक्त सङ्क्रामक तथा गैरसङ्क्रामक रोगबाट हुने मृत्यु तथा औसत आयुका साथै पर्यावरणीय पक्षजस्ता कुरालाई ध्यानमा राखिएको थियो ।

यस्तै,उक्त इन्डेक्सका अनुसार आफ्ना नागरिकको स्वास्थ्यमा सबैभन्दा बढी खर्च गर्ने राष्ट्रमा अमेरिका अग्रपंक्तिमा छ भने जसले प्रतिनागरिक ११ हजार डलर (झन्डै साढे १२ लाख रुपियाँ) स्वास्थ्यका लागि खर्च गर्छ । यति हुँदाहुँदै पनि अमेरिका यो सूचीमा ३५औँ नम्बरमा रहेको छ । विगत तीन वर्षदेखि अमेरिकाका नागरिकको औसत आयु घट्दै गएको जनाइएको छ । बेलायतले चार हजार डलर (साढे चार लाख रुपियाँ) खर्च गर्छ र १९औँ स्थानमा छ ।

शीर्ष १० स्वस्थ मुलुकका रूपमा रहेका आइसल्यान्ड, जापान, स्वीट्जरल्यान्ड, स्वीडेन, अस्ट्रेलिया, सिङ्गापुर तथा नर्वेजस्ता मुलुकले आफ्ना नागरिकका हेल्थ केयर अर्थात् स्वास्थ्य हेरचाहका लागि ७० प्रतिशतभन्दा बढी खर्च गर्छन् । इन्डेक्समा माथिल्लो श्रेणीमा रहेका अधिकांश मुलुक युरोपेली महादेशका छन् ।

चीन ५२ औँ स्थानमा छ भने भारत १२०औँ स्थानमा । यस्तै दक्षिण एसियाली मुलुकमा श्रीलङ्का, बङ्गलादेश तथा नेपाल क्रमशः ६६, ९१ र ११० औँ स्थानमा छन् । पाकिस्तान १२४ र अफगानिस्तान १५३ औँ स्थानमा रहेको देखाइएको छ । संसारका ३० सबैभन्दा अस्वस्थ मुलुकमा २७ वटा अफ्रिकाका छन् र बाँकी हैटी, अफगानिस्तान तथा यमन रहेको इन्डेक्समा उल्लेख गरिएको छ ।

अनुसन्धानकर्ताले खानपिन शैली नै स्वास्थ्यस्तरको मूल कारक तत्व रहेको औँल्याएका छन् । उनीहरुले स्पेन तथा इटालीका मानिस मेडिटेरियन डाइटमा जोड दिने भएकाले बढी स्वस्थ रहेको जनाएका छन् । यसमा मुख्य गरेर जैतुनको तेल, काजु, बदाम, ओखर उनीहरूका खानाको मुख्य अंश भएकाले पनि मुख्यतया मुटुसम्बन्धी रोगमा नियन्त्रणमा आइरहेको छ ।(गोरखापत्र दैनिकबाट)

Facebook Twitter Google+ LinkedIn Pinterest
Previous article १९ महिनाको अवधिमा कर्णालीका एक लाख नागरिक स्वास्थ्य बीमामा
Next article सातौ नेपाल फर्मा एण्ड हेल्थ एक्स्पो चितवनमा सुरु, उद्योग मन्त्रीले भने, ‘औषधिमा आत्मनिर्भर बन्न सरकारको पूर्ण सहयोग ’

Health Today Nepal

Related Posts

स्वास्थ्य सूचनामा फेरि खड्का

स्वास्थ्य सूचनामा फेरि खड्का

स्वास्थ्य राज्यमन्त्री ए क्लासको ठेकेदार

स्वास्थ्य राज्यमन्त्री ए क्लासको ठेकेदार

अस्पताललाई अनसनस्थल बनाएकोमा बिरोध

अस्पताललाई अनसनस्थल बनाएकोमा बिरोध

Leave a Reply Cancel reply

Timeline
Jul 12th 11:22 AM
समाचार

भक्तपुर पूर्ण खोप सुनिश्चित जिल्ला घोषणा

Jul 12th 8:13 AM
समाचार

नेपाली हेल्थका प्रधान सम्पादक न्यौपानेलाई ब्लोदानको सम्मान

Jul 8th 9:00 AM
समाचार

मंगलबार पनि आकस्मिक बाहेकको उपचार ठप्प, चिकित्सक सडकमा

Jul 5th 8:43 AM
समाचार

चिकित्सक संघले सोमबार आकस्मिक बाहेकका सबै सेवा बन्द गर्ने

Jul 5th 8:15 AM
समाचार

नेपाल आयुर्वेद चिकित्सक संघले मनायो २८ औं बार्षिकोत्सब

Jul 1st 12:16 PM
समाचार

अब देशका ७५३ वटै पालिकामा पुग्ने भयो आयुर्वेद सेवा

Jun 30th 10:11 AM
समाचार

सुर्तीजन्य पदार्थ नियन्त्रणका सबैको सहकार्य आवश्यक

Jun 29th 9:37 AM
समाचार

स्वास्थ्य मन्त्री पौडेलको वीर अस्पतालमा उपचार हुँदै

ताजा समाचार
समान्य नहुनसक्छ रुघाखोकी
बिशेषज्ञ लेख

समान्य नहुनसक्छ रुघाखोकी

131672
पाठेघर खस्ने समस्या
परिवार स्वास्थ्य

पाठेघर खस्ने समस्या

27
हरेक दिन ५ ग्राम नुन
परिवार स्वास्थ्य

हरेक दिन ५ ग्राम नुन

28
विरामी र डाक्टर : अविश्वासको खाडल
स्वास्थ्य विशेष

विरामी र डाक्टर : अविश्वासको खाडल

30
प्रकाशक
हेल्थ टुडे मिडिया प्रा.लि.
सुचना बिभाग दर्ता नम्बर : ३८५/०७३-७४

सम्पादक
पदमराज जोशी

समाचारदाता
नमराज भट्ट
सन्ध्या केसि

सम्पर्क
हेल्थ टुडे मिडिया प्रा.लि
अनामनगर, काठमाडौ
01-4212972, 9841449315, 9848851122

© Health Today Nepal 2021. All rights reserved.
Designed & Developed By : Nepsol Web