‘जेष्ठ नागरिक पोषणभत्ता’ कार्यक्रम सुरु

हेल्थ टुडे,
विराटनगर,१५ साउनः विराटनगर महानगरपालिकाले ‘जेष्ठ नागरिक पोषणभत्ता’ कार्यक्रम सुरु गरेको छ । महानगरपालिका वडा नं–३ निवासी १०१ वर्षीय नारायणप्रसाद रेग्मीलाई रु १२ हजार प्रदान गरी मंगलबारदेखि महानगरपालिकाले पोषण भत्ता अभियान सुरु गरेको हो ।

महानगरप्रमुख भीम पराजुली र वडाध्यक्ष विनोद बस्नेत घरमै पुगेर ज्येष्ठ नागरिक रेग्मीलाई भत्ता प्रदान गरेका हुन् । उनीहरुसंगै गएका चिकित्सकले रेग्मीको स्वास्थ्य परीक्षणसमेत गरेका छन् । यस्तै, महानगरका प्रमुखको टोलीले वडा नं ३ निवासी ९३ वर्षीय कृष्णकुमार न्यौपानेको घरमै पुगेर रु १२ हजार भत्ता उपलब्ध गराएका छन् ।

महानगरपालिकाले ८४ वर्ष उमेर नाघेका ज्येष्ठ नागरिकलाई पोषण भत्ताबापत मासिक रु एक हजार उपलब्ध गराउने निर्णय अनुसार एकमुष्ट रु १२ हजार प्रदान गरेको हो । महानगरपालिकाले चाँडै नै निःशुल्क आँखा शिविर सञ्चालन गरी ८४ वर्ष र त्यो भन्दामाथी उमेरका ज्येष्ठ नागरिकलाई निःशुल्क चस्मा उपलब्ध गराउने र एक चिकित्सकलाई घरदैलोमै पु¥याएर स्वास्थ्य जाँच गरिने तयारी गरेको छ ।