हेल्थ टुडे,
काठमाडौं, १३ भदौ : कोरोना भाइरस (कोभिड १९) संक्रमितको उपचारको लागि अहिलेसम्म प्रभावकारी मानिएको थप रेमडिसिभिर औषधि नेपालमा आइपुगेको छ ।
भारतीय औषधि कम्पनी सिप्लाले उत्पादन गरेको रेमडिसिभिर यतिकेम डिस्टिब्युटरले नेपाल भित्र्याएको हो । यतिकेमले नेपालमा औषधि उत्पादनदेखि विदेशी औषधिको थोक विक्रेता हो ।
यतिकेम डिस्टिव्यूटर्सका कार्यकारी अध्यक्ष प्रभुराज बैद्यले रेमडिसिभिर औषधि नेपाली बजारमा अधिकतम ६ हजार चारसय रुपैया मूल्यमा उपलब्ध गराउन सकिने जानकारी दिएका छन । बैद्यका अनुसार पहिलो चरणमा अहिले ४८० भाइल औषधि आएको छ र केहीदिनभित्रै त्यतिमै परिमाणमा औषधि नेपाल आइपुग्ने उनले बताए ।
यसअघि भदौं पहिलो साता भारतीय माइलन कम्पनीबाट उत्पादन भएको ५ सय ७० भाइल रेमडिसिभिर औषधि नेपाल आयत भएको थियो ।
नेपालमा सिप्ला, माइलन र हेटेरो कम्पनीबाट उत्पादन भएका रेमडिसिभिर औषधि मात्र आयात गर्न सकिने विभाग जनाएको छ ।
श्वाप्रश्वासको समस्या भई आइसियुमा उपचारमा रहेका संक्रमितलाई मात्र रेमडिसिभर औषधि चलाइने चिकित्सकले बताएका छन् ।
हाल नेपाल स्वास्थ्य अनुसन्धान परिषद्ले स्वीकृत दिएका कोभिड अस्पतालले मात्र बिरामीमा औषधिको परीक्षण गर्न पाउनेछन् । पछिल्ला दिनमा कोरोना संक्रमितको उपचारमा यो औषधि प्रयोग हुदै आइरहेको छ । आत्रिकारिक विक्रेताहरुले नल्याएकाले र सरकारले ल्याउने अनुमति नदिएकाले यसको केही दिन अगाडिसम्म ठूलो कालो बजारी समेत भएको थियो ।
