हेल्थ टुडे,
काठमाडौँ श्रावण ३१ : प्रधानमन्त्री केपी शर्मा ओलीले संसदमा कुल जनसंख्याको दुई प्रतिसतको पीसीआर विधीबाट कोरोनाको परीक्षण गरिने सरकारको तयारी रहेको बताएका थिए । नेपालको कुल जनसंख्या ३ करोडको दुई प्रतिसत भनेको ६ लाख हो । शनिबारसम्म सकोरोना भाइरस संक्रमणको पीसीआर परीक्षण ५ लाख नाघेको छ । स्वास्थ्य तथा जनसंख्या मन्त्रालयका अनुसार शनिबारसम्म पीसीआर विधिबाट ५ लाख ५ हजार ६६० परीक्षणहरु भएका हुन् । यसरी प्रधानमन्त्रीले भने अनुसार परीक्षण हुने हो भने सरकारले अझै एक लाख जनसंख्याको कोरोना परीक्षण गर्न बाकी छ । त्यसको लागि स्वास्थ्य तथा जनसंख्या मन्त्रालयले योजना बनाइरहेको छ । त्यसैगरी बिगत २४ घन्टामा जम्मा ११ हजार ४७ पीसीआर परीक्षण भएका छन् ।
मन्त्रालयका अनुसार हालसम्म क्वारेन्टाइनमा रहनेको संख्या १४ हजार ४ सय ४८ जना रहेका छन् । त्यसैगरी आइसोलेसनमा रहनेको संख्या ८ हजार ७१६ जना रहेको छ । देशभरी होम आइसोलेसनमा ५२३ जना रहेका छन् । मन्त्रालयको तथ्यांक अनुसार प्रदेश १ मा ११५, प्रदेश २ मा ९८, वाग्मती प्रदेशमा १०५, प्रदेश ५ मा ९०, कर्णाली प्रदेशमा ८, सुदूरपश्चिम प्रदेशमा १०७ जना रहेका छन् । गण्डकी प्रदेशमा भने कोही पनि होम आइसोलेसनमा रहेका छैनन् । अस्पतालमा आइसोलेसनमा रहनेको संख्या भने ८ हजार १९३ रहेको छ । पछिल्ला दिनमा संक्रमितको संख्या बढ्दै गए पछि अस्पतालमा बेड अभावमा उपचारमा समस्या देखिन थालेको छ ।
Leave a Reply